HOSEA 5:7 - BIBEL JAMITA NA DENGGAN

⁷ Nada unduk halahi tu Tuhan, angke madung disorangkon halahi angka dakdanak gampang. Hara ni i, nada sadia honok nari abiskonon noma halahi dohot angka ladang ni halahi.

HOSEA 5:7 Referans Kwoze

HOSEA 6:7

Tapi songon si Adam, digagai hamu do janjimunu dohot Au.

JEREMIA 3:20

Hape songon ripe na so setia, ho pe na so setia do tu Au. Au Tuhan, madung mandok songon i.”

JESAYA 48:8

Nada ditangihon ho sanga diboto ho, jana pinggolmu pe nada tarbuka sian najolo; tapi Huboto do, bahaso na durako do ho, jana didok halak do ho pangalaosi mulai sian bortian.

ZAKARIA 11:8

Jadi huabiskon ma parmahan na tolu i di bagasan sabulan, harana goyak do rohangku tu angka biri-biri i jana halahi pe goyak do rohana tu au.

HOSEA 2:11

AntahonKu sude angka pestana i, pesta siganop taon dohot pesta siganop bulan dohot angka Ari Sabat, pendekna sude ari pesta ni ugamonia.

HOSEA 2:4

Taringot tu angka anakna, nada haholonganKu be halahi, angke anak gampang do halahi.

JEHESKIEL 12:28

Hara ni i, dokkon ma tu halahi, na Hudok, Au Tuhan Debata mandok: Sasude na Hudokkon i musti angkon tarjadi, nada be marlambat-lambat. Au Tuhan Debata madung mandok songon i!”

JEREMIA 5:11

Tutu situtu do na dung mangalayasi halak Israel dohot Juda tu Au. Au Tuhan, madung mandok songon i.

JESAYA 59:13

Madung mardosa hami jana mangalo maradopkon Ho, jana nada ra mangihutkon Ho. Madung hami parkanciti halak na asing jana marbalik hami sian Ho. Nada tutu be pikirannami, jana hatanami pe gabus noma.

MASMUR 144:11

Palua ma au sian podang ni halak na jungkat, palua ma au sian kuaso ni halak na asing na sai margabusi jana manipu, dohot na mambaen sumpa na so tutu.

MASMUR 144:7

Surduhon ma tanganMu sian banua ginjang, jana palua ma au sian banjir na mangalantap. Palua ma au sian kuaso ni halak na asing

HOSEA 7:13

Marjaya do halahi hara ni na nitadingkon ni halahi Au. Angkon maropuk halahi hara ni na mangalo tu Au. Sai giot paluaonKu do nian halahi, tapi margabus do halahi tu Au.