HOSEA 4:19 - BIBEL JAMITA NA DENGGAN

¹⁹ Jadi gabe mago ma halahi songon na niombus ni alogo. Maila ma halahi hara ni angka haul na nihaulkon ni halahi tu angka debata.

HOSEA 4:19 Referans Kwoze

JESAYA 1:29

Manyosal noma hamu hara ni na dung jungada hamu marsomba parhayu dohot na paradehon angka kobun gabe hapunjungan ni angka debata.

HOSEA 13:15

Haru pe sonang Israel songon duhut na napu, laing suruonKu ma alogo Habincaran na milas i sian padang parhorsihan. Mahiang ma baenon ni alogo i sude mual ni aek dohot angka sumur bage, gabe mago ma sudena na mararga.

JEREMIA 51:1

Didok Tuhan, “TongosonKu ma alogo panyego-nyego na mangombus adop Babel dohot adop halak na maringanan disi.

HOSEA 12:1

Didok Tuhan ma, “Dihuliangi Efraim do Au marhite gabus dohot sipaoto-oto; bangso Juda laing tongtong mangalo tu Au, Debata Na Badia jana na tigor.

HOSEA 10:6

Obanon ma gana-ganaan i tu Asur anso dilehen gabe silua di raja godang i. Maila ma Israel jana marlayas hara ni na dohot mangihutkon gana-ganaan i.

JEREMIA 17:13

Tuhan, Ho do pos ni roha ni Israel bangsoMi, angkon gabe maila do sude na manadingkon Ho. Na giot kehe ma halahi tu inganan ni jolma na mate i; angke Ho do mual ni aek hangoluan madung ditadingkon halahi, ale Tuhan.

JESAYA 42:17

Sanga ise na porsaya tu patung ni gana-ganaan. Angkon marbalik tu pudi jana dapotan hailaan i ma angka na mandok tu patung gana-ganaan: ‘Ho ma debatanami!’ ”

HOSEA 10:10

PoranganKu ma angka jolma na mardosa i jana uhumanKu halahi. Marsaroha ma angka bangso laho mangalo halahi, jana hona uhum ma halahi hara ni dosa ni halahi na bahat i.