HOSEA 4:11 - BIBEL JAMITA NA DENGGAN

¹¹ Parbatu ni anggur dohot aek ni anggur mangagohon hagogoan laho marpikir.

HOSEA 4:11 Referans Kwoze

PODA 20:1

Inumon na koras mambaen jolma hurang ajar jana gaor oto do halak na minum lopus mabuk.

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

JESAYA 28:7

Angka panurirang dohot angka malim pe nada be tarhatahon parmabukna hara ni na mabahathu minum anggur dohot tuak. Lenong-lenong pardalan ni halahi jana manjomba-jombaan hara ni na golap pikiranna. Nada diastui angka panurirang be angka parnidaan na nilehen ni Debata tu halahi. Nada tarputuskon angka malim be angka parkaro na lalu tu halahi.

HOSEA 4:12

Marsapa do bangsongKu tu bona ni hayu! Dipaboa sada tungkot do tu hamu sanga aha na giot sibotoonmunu! Ditadingkon hamu do Au. Songon sada anakboru na gabe panggampang, songon i ma dibaen hamu pasahat dirimunu tu angka debata.

JESAYA 5:12

Di angka pestamunu habegean do sora ni hasapi, gambus, rapano dohot suling dohot na minum anggur. Hape nada diterge hamu anggo hagiot ni Tuhan dohot sanga aha na nibaenNa tu hamu.

PARJAMITA 7:7

Muda manipu halak na pistar, oto do pambaenannia i. Muda manjagit hepeng sogok halak, sego ma pikiranna.

PODA 6:32

Tapi halak na markarosuan, na hurang roha do ia disi angke na manyegoi dirina sandiri do ia disi.

HAMALIMON 10:9

“Dung salpu minum aek ni anggur sanga bir, dohot angka anakmu nada tola masuk tu Bandar Parmianan i. Muda dilaosi hamu aturan i angkon mate hamu. Sude pomparanmu angkon mangoloi aturan on.

1 SAMUEL 25:36

Dung mulak si Abigail mandapotkon si Nabal, hapengani masa do pesta godang di bagasnia i songon horja ni raja. Jadi dibaen na mabuk jana marmoga-moga do si Nabal, nada dipaboa dadaborunia i tusia sanga na aha lopus tu ancogotna i.

PODA 31:4

Ingot ma, Lemuel! Na minum anggur dohot na nirajaan ni siinumon na koras, nada patut gabe raja.

HOSEA 7:11

Moncong-oncong Israel songon unggas darapati na oto; mula-mulana kehe angka halak ni halahi mangido bantuan tu Mesir, dung i marlojong muse ma halahi tu Asur!

JEREMIA 23:13

Madung Huida dosa ni angka panurirang ni Samaria. Mangasahon goar ni Baal do halahi mandok hata jana palilu-liluhon do tu bangsongKi.

HOSEA 5:4

Patunda ni hajahatan na nibaen ni halak Israel, nada tarbaen halahi be mulak tu Debata ni halahi. Harana na marsomba gana-ganaan noma na manggohi roha ni halahi jana nada parduli be di Tuhan.