HOSEA 2:9 - BIBEL JAMITA NA DENGGAN

⁹ Hara ni i, di hamamasa ni sabion tarihonKu noma mangulahi na Hulehen i, i ma gandum dohot anggur maradu wol dohot abit linen pakeannia.

HOSEA 2:9 Referans Kwoze

MALEAKI 3:18

Mangulahi ma idaon ni bangsongKu na asing do bagian ni halak na burju sian na jahat, bagian ni halak na marpangoloion tu Au dohot halak na so mangoloi tu Au.”

MALEAKI 1:4

Sugari rupani didok halak Edom pomparan ni si Esau i, “Madung dironcohon angka hutanami, tapi bangunonnami ma i mangulahi,” jadi alusan ni Tuhan Na Markuaso i ma, “Haru pe dibangun halahi mangulahi, rumpakkononKu do i muse. Goaron ni halak ma halahi ‘Tano na durako’ dohot ‘Bangso na nimuruhan ni Tuhan sapanjangna.’ ”

HOSEA 2:3

Muda sai dipupu ia do na marhalaklahi, talduskononKu ma pakeannia i anso talak-talak ia songon di ari parsorangnia. Giot baenonKu noma ia songon tano na mahiang jana na gariang; gabe mate ma ia, mate manguas.”

ZEPANYA 1:13

Hona rampas ma sinadongan ni halahi jana roncohonon ma bagas ni halahi. Pajongjongon ni halahi ma bagas, tapi nada ingananna. Karejohonon ni halahi ma kobun anggur tapi nada inumonna anggurna.

JOEL 2:14

Betak na muba do tehe roha ni Tuhan Debatamu, jana marlobi-lobi pasupasuNa di hamu. Gabe tarbaen hamu manghaulkon tu Tuhan, haul anggur dohot gandum.

HOSEA 9:2

Tapi nada sadia honok nari hurangan gandum ma hamu dohot miak zetun, dohot anggur pe abis muse ma.

HOSEA 8:7

Alogo do disabur bangsongKi, jadi manyabi halingsungsung ma halahi! Nada manggorsing ladang ni gandum ni halahi, gabe nada adong be topung suhana baen sipanganon. Tapi muda laing manggorsing ladang i, gabe abiskonon ni angka bangso-bangso na asing do gandumna i.

DANIEL 11:13

Padua nolihon dibaen raja ni Siria parangan na bahat, umbahat sian na parjolo i dope. Muda dung dapot hatihana, pungkaonnia ma mardalan rap dohot tentara na marsinjata na singkop i.

JEHESKIEL 23:26

Pasalangonna ho jana angka barang-barang parhiasanmu rampasonna.

JEHESKIEL 16:39

Pasahatonku ma ho tu angka haholongan ni rohami jana rumpakkonon ni halahi ma angka inganan panggampanganmi dohot parsombaan ni gana-ganaanmi. Rampason ni halahi sude parabiton dohot barang seremu lopus marsaemara ho.

JEHESKIEL 16:27

Saonnari ligi ma, uhumanKu ma ho jana buatonKu pasupasu na dung Hulehen humani tu ho. Hupasahat ho tu halak Pilistin na manghosomi ho jana na magigi mida pangalahomu na jat i.