HOSEA 14:8 - BIBEL JAMITA NA DENGGAN

⁸ Sanoli nari giot mulak halahi jana ondihononKu noma halahi. Tibu do halahi maradu sonang, songon gandum di tano napu na tibu martumbur. Tudos ma halahi tu kobun anggur, songon anggur Libanon tibu goar ni halahi tarbarita.

HOSEA 14:8 Referans Kwoze

JOB 34:32

Madung he dipangido ho anso dipatuduhon Ia salami? Madung he marsumpa ho na so datdatanmu mambaen songon i?

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

LUKAS 15:20

Dung i jongjong ma ia, torus mulak mandapotkon amangna. Sian na dao dope madung diida amangnia i ia. Ibo sajo ma roha ni amangna i midasa, marlojong ma amangna i mangalo-alo ia, dihaol jana diumma ma ia.

JESAYA 55:13

Gonti ni sihupi tubu ma bona ni sampinur, gonti ni latong tubu ma hayu na huskus. Songon tanda na hot na paingotkon tu rohamunu, taringot tu na dung Hubaen, Au Tuhan mambaensa di hamu.”

JESAYA 41:19

SuananKu ma hayu ares di halongonan, hayu akasia, hayu murad dohot bona ni zetun. Husuan hayu sampinur di padang na bidang, dohot barangan songon i dohot tusam di lambungna.

1 TESSALONIKA 1:9

Halahi sandiri do mamaritahon sanga na bia panjagitmunu di hami dompak na ro i hami manopot hamu. Dicaritohon halahi do sanga na bia panadingkonmunu di angka gana-ganaanmunu dohot haroromunu mandapotkon Debata na mangolu jana na tutu i laho marsomba tuSia.

PILIPPI 2:13

angke Debata sandiri do na markarejo di bagasan dirimunu, na mambaen hamu gabe ra jana sanggup pasonangkon roha ni Debata.

EPESUS 5:9

Angke sian na torang i do haroroan ni sasude ragam ni parange na denggan jana na bonar di panatapan ni Debata.

JOHANNES 1:16

Angke sian hagogokNia, nada mar na mantak Ia, mamasumasu tu hita sudena.

JESAYA 60:13

Hasangapon ni Libanon, i ma: Hayu ampolu, barangan dohot sampinur, hayu hasurungan ni tombak Libanon na jeges i, dioban ma i tu ho, kota na badia laho mangulahi mambangunsa, jana mambaen BagasKu jumagar boti mambaen inganan ni patKu marmulia.

JOB 33:27

Jadi mandok hata ma ia di jolo ni halak na bahat, ‘Denggan do huetong na jahat, pardosa godang do anggo iba hape nada diuhumi Debata anggo iba.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

PILIPPI 1:11

Angka pambaenan na denggan noma mardapot-dapot sian ngolumunu, hum sian Jesus Kristus sajo do na tarbaen pataridahon suha na songon i; gabe nipasangap jana nipuji-puji ma Debata.

JEHESKIEL 17:23

Di dolok na gumincat Hupayakkon ia. Martunas ma ia disi jana marbatu, gabe bona ni sampinur na jagar. Sude ragam ni unggas disi mambaen asar, jana marsilaung di toru ni linggomna.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.