HOSEA 13:7 - BIBEL JAMITA NA DENGGAN

⁷ Jadi hara ni i, soroonKu ma hamu songon panyoro ni singa. Songon babiat na mangadang di dalan baenonKu tu hamu.

HOSEA 13:7 Referans Kwoze

HOSEA 5:14

Songon singa na manyoro, songon i ma baenonKu marsurage Israel dohot Juda. Au sandiri do na giot manyibak-nyibak halahi lalu Hutadingkon. Muda Husarat halahi kehe, sada pe nada adong tarbaen palua halahi.

JEREMIA 5:6

I ma dalanna gabe soroon ni singa na sian harangan halahi, jana diparsuragehon ni sorigala na sian padang halongonan. Humadeap ma angka angguliman manjalahi soroanna di bagasan angka kota ni halahi, jana sanga ise na ruar sian bagasna soroanna noma i. Patunda ni na dung bahat do halahi mardosa umbaen na tarjadi sudena i, jana marpupu halahi manghudukkon Debata.

ANDUNG 3:10

Songon gompul Ia painte-intehon au, songon singa Ia mangadang dalanku.

AMOS 3:8

Muda marngaur singa, ise ma he mabiar? Muda mandok hata Tuhan Debata, ise ma he tarbaen so jana nada paboahon tonaNia?

AMOS 3:4

Jolo marngaur dehe singa di harangan painte so manyoro? Marngaur dehe anak ni singa di bagasan asarna painte so ditangkup ia bagi aha?

AMOS 1:2

Didok ia, “Marngaur Tuhan sian Dolok Sion. Mangaronggur soraNia sian Jerusalem. Hiang ma angka duhut di padang, duhut pe di Dolok Karmel maradu mahiang.”

JESAYA 42:13

Ruar do Tuhan marporang songon ulubalang, madung hobas Ia, gogo do rohaNia laho marporang. Digora Ia ma pio-pio di parporangan, patuduhon kuasoNia di paraloan.

HALUMBAAN 13:2

Tarsongon babiat do rupa ni binatang i, patna songon pat ni gompul jana babana i songon baba ni singa. Dung i dilehen naga na huida parjolo i ma tu binatang i gogona sandiri, dohot habangsa dohot kuasonia na godang i.

JOB 10:16

Muda mandapot iba haru pe nian so sadia, mangayak ma Ho tu au songon singa. Jana dipatudu Ho ma mangulahi kuasoMu, hum na giot mangago tu au.

JEREMIA 25:38

Madung ditadingkon Tuhan bangsoNia songon panadingkon ni singa di asarna. Madung muba luat on gabe halongonan dibaen hakejamon ni porang dohot hamuruhan ni Tuhan.