HOSEA 10:6 - BIBEL JAMITA NA DENGGAN

⁶ Obanon ma gana-ganaan i tu Asur anso dilehen gabe silua di raja godang i. Maila ma Israel jana marlayas hara ni na dohot mangihutkon gana-ganaan i.

HOSEA 10:6 Referans Kwoze

HOSEA 5:13

Torang do diboto bangso Israel dohot bangso Juda hajorbuton na masa di halahi, gabe kehe ma Israel tu Asur laho mangido bantuan sian raja bolon i. Hape nada haurupan raja i sanga tarpadenggan na masa tu halahi.

JESAYA 30:3

Hape pabilehon halahi do parlindungan ni Parao, jana parlinggoman na nipainte-inte i sian Mesir marujung tu hasusaan sajo do.

DANIEL 11:8

Di na laho mulak ia tu Mesir, obanonnia ma patung ni debata ni musuna i dohot barang-barang sere dohot perak na dung dihaulkon tu debatana i. Nada porangonnia be raja ni Siria piga-piga taon.

JEREMIA 7:24

Hape nada ra halahi manangihon dohot mamparrohahonsa. Tubu-tubu ni roha ni halahi na pir boti na jat i sandiri do dipaihut-ihut halahi. Indada mur dumenggan halahi tapi mur tu jahatna noma.

MIKA 6:16

Tarjadi pe sudena i patunda ni na niihutkonmunu ma angka parbuatan jahat na nibaen ni Raja Omri dohot Raja Ahab, anakna i. Diihutkon hamu do antong angka pangalaho ni halahi. Hara ni i roncohononKu ma hamu, jana siincahan dohot silayason ni sandok bangso ma hamu.”

HOSEA 8:6

Lombu sere na di Samaria i karejo ni tangan ni angka na pande do i di Israel! Nada Debata na nisomba ni halahi i, jadi angkon taporhonon do i!

HOSEA 4:19

Jadi gabe mago ma halahi songon na niombus ni alogo. Maila ma halahi hara ni angka haul na nihaulkon ni halahi tu angka debata.

HOSEA 4:7

Mur martamba bahatmunu, mur mardosa muse do hamu tu Au, ale angka malim! Harana angkon paubaonKu do na masa tu hamu. Nada pasangapon be hamu tapi palayason noma.

JEHESKIEL 36:31

Taringot ma rohamunu tu pangalaho na jat dohot pambaenanmunu na so patut i, dung i gabe sobalan ma hamu di dirimunu hara ni angka dosa dohot hagigian na nibaenmunu i.

JEREMIA 48:13

Tarhirim ma Moab maradopkon Kamos debata ni halahi i, tudos songon Israel na tarhirim i maradopkon Betel na nipangasahon ni halahi i.

JESAYA 45:16

Halak na mambaen patung sisombaon, pailaon do i jana palayason.

JESAYA 1:29

Manyosal noma hamu hara ni na dung jungada hamu marsomba parhayu dohot na paradehon angka kobun gabe hapunjungan ni angka debata.

JOB 18:7

Pangalangkana na tongam gabe marambalan; rangrangan ni rohana sandiri mambaen ia martungkapan.

2 RAJA-RAJA 17:3

Diporangi jana dipapatu si Salmaneser raja ni Asur ma ia, lopus angkon manggarari pajak ia ganop taon tu Asur.

JEHESKIEL 16:28

Tapi laing na so sombu dope rohamu; gabe dikojar-kojar ho dope halak Asur. Gabe diangkupi halahi ho marhamainan, tapi sian halahi pe laing nada dapot ho sombu ni rohamu.