Biblia Todo Logo
Bib sou entènèt

- Piblisite -




HOSEA 1:10 - BIBEL JAMITA NA DENGGAN

10 Gabe sabahat ni horsik na di topi ni laut bahat ni bangso Israel lopus nada habilangan. Saonnari didok Debata ma tu halahi, “Nada bangsongKu hamu,” tapi dapot do i hatihana dohononNia tu halahi, “Au ma da Debata na mangolu jana hamu angka dakdanakKu!”

Gade chapit la Kopi




HOSEA 1:10
26 Referans Kwoze  

Au ma gabe Ama di hamu, jana gabe anak dohot boru ma hamu di Au, ninna Tuhan Na Markuaso i.”


Tapi sanga ise na manjagit Ia jana porsaya tuSia, dilehen Ia do hak gabe dakdanak ni Debata,


Huparentahon tu Selatan dohot tu Utara, anso dipaloas jana ulang halahi niambatan. Anso mulak sian angka luat na dao dakdanakKi, padiar marmulahan halahi sian ujung ni portibi.


BaenonKu ma bangsongKu mangolu marsonang-sonang jana hot maringanan di tanona. Tu halahi na margoar ‘Na So Dihaholongi’ patuduhononKu ma bahaso na Huhaholongi do halahi, jana tu halahi na nigoaran ‘Nada BangsongKu’, dokkononKu ma ‘BangsongKu Do Hamu’. Songon on ma alusan ni halahi ‘Ho do tutu Debatanami!’ ”


Sian angka luat i obanon ni halahi ma mulak angka kahanggimu sabangso songon silua di Au. Obanon ni halahi ma angka jolma i tu dolokKu na Badia di Jerusalem mangalombut kudo, halode dohot unto, dohot na markareta maradu dohot na marpadati; songon na somal halak Israel maroban tu Bagas Ni Tuhan haul gandum di bagasan inganananna na ias.


LehenonKu ma di ho bahat pomparanmu, jabat nada adong sahalak pe na tarbaen mangetongsa. Songon abu na di tano i, na so adong halak na sanggup mangetongsa, laing songon i ma pomparanmu nada taretong sanga ise.


Dung i didok Ia ma, “Baen ma goar ni anakmi si Lo-Ami, angke nada bangsongKu be hamu, jana nada Debatamunu Au.”


Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.


Haru pe di hatiha i songon na so adong be idaon same na mangolu sian si Abraham, hape hum sian ia sandiri sajo do martubuan bahat pomparannia, na so taretong bahatna – songon bahat ni bintang na di langit dohot horsik na di topi ni laut.


Ingot ma na dung marjanji Ho, paboa na aturonMu do sude denggan di au jana lehenonMu tu au bahat pomparan. Sahalak pe nada tarbaen mangetongsa hara ni bahatna songon horsik na di topi ni laut.”


PabahatonKu ma pomparan ni naposongKu si Daud dohot angka malim sian Marga Levi lopus gabe sabahat ni horsik na di topi ni laut dohot sabahat ni bintang na di langit na so taretong bilanganna bahat ni halahi.”


Angke pomparanmu angkon songon horsik, jana turunanmu songon horsik bahatna; goar ni halahi nada diagohon sanga diparsoada sian jolongKu.”


Hara ni lungunna, sasudena na nitompa i painte-intehon do sanga andigan hatihana patidahonon ni Debata hasangapan ni angka dakdanakNia i.


Nada he Ho do Amangnami? Nada ditanda si Abraham dohot si Jakob hami. Tapi anggo di hami sandiri, Ho do Amangnami, na palua hami sian narobi.


Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.


Rade do Au mangajari halak na so manyapai Au. Rade do Au dumpangan ni halak na so manjalahi Au. NingKu do: “Dison do Au, dison do Au” tu bangso na so mamio goarKu.


Dung i ditongos Raja Darius ma surat tu angka jolma sian sandok bangso, marga ni bangso dohot hata na marragam-ragam na di tano on sudena. Ninna ma, “Sai martamba ma di hamu rasoki!


Dibaen Ho do bangso Israel i gabe bangsoMu sandiri sapanjangna, jana Ho ma ale Tuhan na gabe Debata ni halahi.”


Swiv nou:

Piblisite


Piblisite