HARURUAR 9:9 - BIBEL JAMITA NA DENGGAN

⁹ Jadi gabe sarsar ma sirabun i songon abuan na lamot tu sude tano Mesir, gabe baroon ma sandok jolma dohot pahan-pahanan di tano Mesir baenon ni i, dung mapuntar baro i gabe marnana ma i.”

HARURUAR 9:9 Referans Kwoze

HALUMBAAN 16:2

Kehe ma manigor surusuruan na parjolo jana diduruskon ia ma isi ni sambongnia i tu tano. Gabe baro-baroon ma sudena sanga ise halak na maruli tanda ni binatang i dohot halak na manyomba patungna i.

PANGARATAION 28:27

Hona uhum na ho baenon ni Tuhan marhite baro, songon na nibaenNa tu halak Mesir. Sap ma pamatangmunu dohot baro bope rasa na gatal tapi nada adong ubatna.

JOB 2:7

Jadi kehe ma Sibolis sian jolo ni Tuhan, jana dipatubu ia ma baro sap sude pamatang ni si Job mamungka sian palampak ni patna i lalu tu ambubunia.

PANGARATAION 28:35

Baenon ni Tuhan ma patmunu sap baro na mangintasi boti na so ra malum; sian pat lalu tu ambubumunu sap sude baro-baroon.

HARURUAR 9:8

Didok Tuhan ma tu si Musa dohot si Harun, “Buat ma sanga piga-pigangkaut sirabun sian tataring. Angkon sampakkonon ni si Musa adop ginjang abu i di jolo ni raja i.

HARURUAR 9:10

Dung i dibuat si Musa dohot si Harun ma abu saotik, dung i kehe ma halahi manopotkon raja i. Disampakkon si Musa ma sirabun i tu ginjang. Gabe baroon ma jolma bope pahan-pahanan, na gabe bugang na marnana i.