HARURUAR 7:17 - BIBEL JAMITA NA DENGGAN

¹⁷ Saonnari, Na Marmulia i Tuhan mandok, botoon ni raja i ma sian na giot baenonNia, sanga ise Tuhan i. Ligi da, lipatonku ma aek ni batang aek on dohot tungkot on, jana muba ma aek i gabe mudar.

HARURUAR 7:17 Referans Kwoze

HARURUAR 4:9

Muda laing so porsaya do halahi di ho, haru pe madung diida halahi tanda hahomangan na dua i, jana nada ditangihon halahi hatamu, buat ma aek saotik sian Batang aek Nil lalu usehon tu tano i. Muba ma aek i gabe mudar.”

HARURUAR 7:5

Dung i botoon ni halak Mesir i ma bahaso Au do Tuhan, di hatiha Huuhumi halahi jana Huoban Israel haruar sian luat ni halahi.”

HARURUAR 5:2

Disapai raja Mesir i ma, “Ise dehe Tuhan i? Biasi angkon tangihononku i, jana paloasonku kehe bangso Israel? Nada hutanda Tuhan i, jana halak Israel pe nada huloas kehe.”

JEHESKIEL 39:28

Jadi gabe botoon ni bangsongKi ma Au do Tuhan Debata ni halahi. Angke Au do na manongos halahi tu habuangan tapi laing Au muse do na maroban halahi mulak mangulahi tu tano ni halahi sandiri, jana nada adong sahalak pe sian halahi na tading disi.

JEHESKIEL 38:23

Songon i ma dalanna baenonKu laho patuduhon tu ganop bangso paboa na badia jana na godang do Au. Jadi botoon ni halahi ma bahaso Au do Tuhan.”

MASMUR 9:16

Dipatidahon Tuhan do diriNa na tigor di bagasan putusanNia. Halak na jahat dabuhononNa hara ni parkarejoanNa.

HALUMBAAN 11:6

Markuaso do halahi manutup langit anso ulang ro udan salolot manyurirangi halahi. Laing markuaso do halahi di angka mual ni aek laho mambaen aekna i gabe mudar. Jana laing markuaso muse do halahi mangalibas tano on markite-hite angka ragam ni bala, sanga na andigan giot ni halahi.

HALUMBAAN 8:8

Dung i diombus surusuruan na paduahon i ma sarunenia gabe adong ma na lobi godang tarsongon dolok na gara idaon madabu tu laut. Muba ma sapartolu laut i gabe mudar,

DANIEL 5:23

Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

DANIEL 5:21

Dipaorot do ia sian parngoluon ni jolma manusia jana pikirannia pe gabe songon pikiran ni binatang. Halode harangan noma dongannia mangolu, manjampal ruput songon lombu jana modom di na tardas so marsiholip maradopkon ombun. Ujungna dioku ia ma na markuaso do hape Debata Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

DANIEL 4:32

Paoroton ma ho sian parngoluon ni jolma, jana mangolu di padang-padang ma ho songon angka binatang. Pitu taon honokna mangan ruput noma ho songon lombu. Dung salpu i okuonmu ma na markuaso do Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.”

DANIEL 4:17

I ma haputusannami angka surusuruan na hobas jana na manat-manat. On do maksudnami: Anso dioku angka jolma sanga na di dia pe, na markuaso do Na Gumincat i maradopkon harajaan ni jolma dohot mangalehen harajaan i sanga tu ise pe na nitodoNia, bope tu halahi na umbile situtu pe!’

JEHESKIEL 32:15

Muda dung Hubaen Mesir gabe halongonan na lungun, jana Humatehon sude na adong disi botoon ni halahi ma Au do Tuhan.

JEHESKIEL 30:19

Songon i ma baenonKu manguhumi Mesir, jadi gabe botoon ni halahi ma Au do Tuhan.”

JEHESKIEL 30:8

Jadi muda Husurbu Mesir jana Hubunu sude donganna i, botoon ni halahi ma bahaso Au do Tuhan.”

JEHESKIEL 29:9

Gabe tano na mamolngit noma Mesir. Jadi gabe botoonmunu ma Au do Tuhan.” Didok Tuhan ma, “Ale raja ni Mesir! Hara ni na nidokmu ho nampuna Batang aek Nil jana didok ho, ho do na mambaen batang aek i

MASMUR 105:29

Diuba Ia batang aek ni halahi gabe mudar, gabe pusa sude gulaenna.

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

MASMUR 78:44

Dipauba angka batang aek ni halahi gabe mudar, gabe nada tarinum halahi aekna.

2 RAJA-RAJA 19:19

Ale Tuhan Debatanami, palua ma hami sian halak Asur i anso diboto sandok bangso na satanoon i, Ho do Tuhan, sasada Ho do Debata!”

1 RAJA-RAJA 20:28

Jadi ro muse ma sahalak panurirang tu Raja Ahab mandok, “On ma pandok ni Tuhan: ‘Dibaen diambang angka halak Siria na hum di dolok sajo do Au markuaso jana nada dohot di napa na toruk, lehenonKu ma tu ho hamonangan mangalo tentara ni halahi na santak bahat i, jadi gabe botoonmu dohot rayatmu ma, Au do Tuhan.’ ”

HARURUAR 6:7

Gabe bangsongKu ma hamu baenonKu jana Au gabe Debatamunu. Anso diboto hamu, Au do Tuhan Debatamunu di na Hupalua hamu sian parhatobanon di Mesir.

HARURUAR 1:22

Jadi diparentahon raja i ma mangulahi tu sude rayatnia, “Sude anak halaklahi di halak Ibrani na baru sorang angkon niambungkon tu Batang aek Nil, tapi sude dakdanak dadaboru, padiar ma mangolu.”

HARURUAR 7:20

Dibaen si Musa ma dohot si Harun sanga aha na niparentahon ni Tuhan i, di jolo ni raja i dohot angka na parpangkatna, diangkat si Harun ma tungkotnia jana dilipatkon ia ma tu batang aek i, jadi sude ma aek na di bagasan i muba gabe mudar.

HARURUAR 10:2

anso tarcaritohon ho i tu anakmu dohot tu pahompumu sanga songon dia Hubaen marmayam-mayamkon bangso Mesir marhite hahomangan na dung Hubaen di tonga-tonga ni halak i. Sude ma hamu mambotosa, bahaso Au do Tuhan.”

JEHESKIEL 25:17

UhumanKu ma halahi dokdok sajo jana palaluonKu hosomKu lopus dabu rohangKu. Muda dirasoi halahi rimasKu, botoon ni halahi ma bahaso Au do Tuhan.”

JEHESKIEL 32:6

DuruskononKu ma mudarmi lopus maraek angka dolok jana digohi angka batang aek.