HARURUAR 6:8 - BIBEL JAMITA NA DENGGAN

⁸ ObanonKu ma hamu tu luat na dung Hujanjihon hian di bagasan sumpa tu si Abraham, si Ishak dohot si Jakob; lehenonKu ma tano i gabe nampunamunu sandiri, Au do Tuhan.’ ”

HARURUAR 6:8 Referans Kwoze

PAMUNGKAAN 26:3

Hudongani pe ho jana Hupasupasu. LehenonKu do di ho dohot di pomparanmu sude banua on. GohanKu do janji na dung Hupasahat tu si Abraham amangmi.

PAMUNGKAAN 15:18

Laing di hatiha i ma dibaen Tuhan parjanjian dohot si Abram. Ninna Tuhan ma, “Marjanji ma Au laho mangalehen tano on sudena di pomparanmu, mamungka sian batas ni Luat Mesir lopus tu Batang aek Efrat,

JEHESKIEL 20:42

Muda dung Huoban hamu tu tano Israel mangulahi, tu tano na Hujanjihon tu ompumunu i, gabe botoonmunu ma bahaso Au do Tuhan.

PAMUNGKAAN 14:22

Dialusi si Abram ma, “Husumpahon ma di jolo ni Debata Na Gumincat i, na manompa langit dohot tano,

JEHESKIEL 47:14

Na dung Husumpahon do na giot lehenonKu tano i tu ompumunu. Hara ni i, buat ma tano i jana bagi-bagi ma i tigor di hamu be.

PANGARATAION 32:40

Au do satutuna na mangolu, Au do Debata, Huangkat tanganKu laho marsumpa,

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

PAMUNGKAAN 35:12

Luat na dung hulehen tu si Abraham, tu si Ishak, hulehen ma i di ho dohot di pomparanmu.”

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

JEHESKIEL 36:7

Au Tuhan Debata marsumpa angkon palayason muse angka bangso na humaliangmunu i.

JEHESKIEL 20:28

Huoban ma halahi tu tano na dung Hujanjihon tu halahi. Di na niida ni halahi angka dolok na gincat dohot angka hayu na rumbun, dipelehon halahi ma haul tu sude hayu dohot dolok i. Dialap-alapi halahi ma anso muruk au marhite angka haul situtungon dohot pelean anggur ni halahi i.

JEHESKIEL 20:23

Laing marjanji muse ma Au di parhorsihan i mandok na giot paserahonKu halahi tu sandok portibi on,

JEHESKIEL 20:15

Di parhorsihan i pe laing marjanji do Au mandok, na so obanonKu bangso Israel i masuk tu tano na dung Hupasingkop i di halahi, tano na denggan boti na napu jana na dumenggan di sandok portibi on.

1 SAMUEL 15:29

Nada margabus bope nada muba muse roha ni Na Marmulia Debata ni Israel, angke nada jolma Ia.”

BILANGAN 23:19

Nada dos Debata dohot jolma na ringgas margabus, na momo muba pikiranna. Muda dung Dijanjihon Debata, sudena pasti Dipatulussa! Muda Ia mangkuling, sude angkon tarjadi!

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

HARURUAR 6:2

Mangkuling ma Debata tu si Musa, ninna ma, “Au do Tuhan.

HALUMBAAN 10:6

Marsumpa ma ia mangasahon goar ni Debata na mangolu i salolot-lolotna, na manompa langit, tano dohot laut bope sasudena na adong di langit, di tano dohot na di laut i. Didok surusuruan i ma, “Nada palambaton be hatihana!

HARURUAR 13:5

Mardongan sumpa dijanjihon Tuhan tu ompumunu laho pasahatkon tu luat ni halak Kanaan, Het, Amori, Hewi dohot Jebus. Dung dioban Tuhan hamu tu luat na mora bope na napu i, ganop taon di bulan parjolo angkon hagodangkononmunu do pesta on.

JOSUA 24:13

Tano na dung Hulehen i di hamu, nada hamu na mangkarejohonsa. Jana angka kota na dung Hulehen i di hamu, nada hamu muse na pajongjongkonsa. Hape saonnari hamu ma na maringanan disi. Jana hamu muse ma na umboto dai ni batu ni anggur maradu parbatu ni zetun, hapengani nada hamu na manyuan bonana.’ ”

NEHEMIA 9:15

Dompak male jana hurang mangan halahi, dipaijur Ho do roti sian langit i. Jana sian batu na himpal, na gogo jana na koras, dipadalan Ho aek na pasombu nguas maradu doras. Disuru Ho do halahi mangingani tano, na nijanjihonMu tu halahi mardongan sumpa.

HARURUAR 6:4

Hubaen muse do parjanjian dohot halahi. Madung Hujanjihon na giot lehenonKu tano Kanaan di halahi, luat inganan ni halahi najolo songon halak sileban.

BILANGAN 10:29

Dung i didokkon si Musa ma tu tungganenia si Hobab, anak ni si Rehuel halak Midian, “Kehe ma hami saonnari, tu inganan na nidok ni Tuhan i giot lehenonNa di hami. Madung dijanjihon Tuhan i, giot baenonNia halak Israel gabe bangso na makmur. Antong ihutkon ma hami, hami bagi pe di ho deba hamakmurannami i.”

BILANGAN 11:12

Au dehe lakna manompa sanga manubuhon halahi? Biasi dipangido Ho au songon sada halak parorot na mangompa dakdanak? Gabe angkon pature-tureonku halahi salolot di pardalanan tu tano na nijanjihonMu tu ompung ni halahi?

PANGARATAION 4:31

Debata na gok ibo ni roha do Tuhan i. Nada tadingkononNia sanga abiskononNa hamu, jana nada halupahononNia parjanjian na nibaenNia sandiri dohot ompumunu.