HARURUAR 40:12 - BIBEL JAMITA NA DENGGAN

¹² Dung i angkon suruonmu do si Harun dohot angka anaknia ro tu pintu ni Bandar Parmianan jana marpangir ma halahi mangihutkon upacara ugamo.

HARURUAR 40:12 Referans Kwoze

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.

SURAT NI SI PAULUS TU PARLAGUTAN ROM 8:3

Sanga aha na so tarpatupa Tona i, hara ni bako ni hajolmaonta na gale, madung dibaen Debata. Madung ditaluhon Debata do kuaso ni dosa na di bagasan bako ni jolma i, i ma markite-hite na marsuru AnakNia sandiri, na ro di bagasan pangalaho na sarupa dohot jolma pardosa, laho manyesa dosa.

JOHANNES 3:34

Sanga ise na nisuru ni Debata, barita sian Debata do dioban Ia, harana madung dilehen Debata TondiNia i, nada hasuhatan bahatna.

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

MATEUS 3:16

Dung sidung dididihon, manigor ruar ma Jesus sian batang aek i. Ompot ma mungkap langit, diida Jesus ma Tondi Ni Debata mijur songon darapati, songgop tuSia.

HARURUAR 40:11

Dung i pasahat ma bak parbasuan i dohot ojahanna i, sarupa pambaenna.

BILANGAN 8:9

Dung i suru ma marlagut sude halak Israel jana dokkon halak Levi jongjong di jolo ni Bandar ParmiananKu.