HARURUAR 4:21 - BIBEL JAMITA NA DENGGAN

²¹ Didok Debata ma tu si Musa, “Madung Hulehen di ho kuaso mambaen angka tanda hahomangan. Jadi dung mulak ho tu Mesir sanoli on, angkon baenonmu do sude tanda hahomangan i di jolo ni raja Mesir i. Tapi mur patangkangonKu do rohana, gabe nada loasonnia kehe bangso i.

HARURUAR 4:21 Referans Kwoze

SURAT NI SI PAULUS TU PARLAGUTAN ROM 9:18

Jadi, maribo ni roha do Ia tu sada-sada halak, muda por rohaNia mambaen songon i. Jana dipapir Ia do roha ni sada-sada halak, muda giot baenonNia songon i.

JESAYA 63:17

Biasi dipadiar Ho lilu hami? Biasi dipajogal Ho rohanami gabe nada ra mangoloi? Mulak ma Ho ale Tuhan, hara ni angka naposoMu, hara ni bangsoMu sian narobi nampunaMu.

JOSUA 11:20

Dipajogal Tuhan do roha ni halahi laho marporang mangalo angka halak Israel, anso hona pusa halahi jana dibunu sude nada adong ampunanna. Songon i do parenta ni Tuhan tu si Musa.

JOHANNES 12:40

“Hupapitung do mata ni halahi, jana Hupagolap pikiran ni halahi; lopus nada marnida mata ni halahi, jana nada marbuka pikiran ni halahi. Anso ulang mulak halahi tu Au, gabe Hupamalum halahi muse.”

HARURUAR 14:8

Dipatangkang Tuhan do roha ni raja i, gabe diayak-ayak ia halak Israel na mardalan maninggalkon luat i di bagasan na niondihon ni Tuhan i.

HARURUAR 9:35

Songon na nidok ni Tuhan marhite si Musa, nada ra raja i mangaloas halak Israel i kehe.

HARURUAR 9:12

Tapi dipajogal Tuhan do roha ni raja i, jana songon na nidok ni Tuhan hian, nada tangihonon ni raja i si Musa dohot si Harun.

HARURUAR 7:13

Haru pe songon i laing tangkang do raja i jana nada ra ia manangihon hata ni si Musa dohot si Harun, songon na nidok ni Tuhan hian.

HARURUAR 3:20

Jadi patidahononKu ma kuasongKu, jana uhumonKu ma halak Mesir i marhite angka bala na jorbut tu halahi. Dung i loasonnia ma hamu kehe.

HARURUAR 10:20

Tapi dipajogal Tuhan do roha ni raja i, jana nada diloas Ia kehe halak Israel i.

HARURUAR 7:3

Tapi mur patangkangonKu do roha ni raja i. Nada tangihononnia hatamu, hara ni i bahat ma Hupamasa hahomangan di Mesir.

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

HARURUAR 14:4

Jogal do baenonKu rohania anso gabe diayak-ayak ia hamu. Hamonanganmunu maradopkon raja ni Mesir dohot tentarania i ma mambaen halak pagodangkon Au. Gabe botoon ni halak Mesir i ma, Au do Tuhan.” Dipatulus halak Israel do songon na nidok ni Tuhan tu halahi.

1 PETRUS 2:8

Tartuktuk pe halahi, hara ni na so dioloi halahi do hata ni Debata. Songon i ma panontuhon ni Debata taringot tu halahi.

2 KORINTUS 2:16

Anggo di halak na giot kehe tu hamagoan, sarupa tu uap ni bangke na mamatehon do hami; tapi anggo di angka na nipalua, songon uap na maroban tu hangoluan do hami. Antong, ise ma na tama tu karejo on?

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

MASMUR 105:25

Dibaen Ia halak Mesir margoyak ni roha mida bangsoNia, jana mambaen akal busuk tu angka naposoNia.

1 RAJA-RAJA 22:22

‘Bia ma?’ ninna Tuhan manyapai. Dialusi Tondi i ma, ‘Kehe pe au jana hubaen ma anso sude panurirang ni si Ahab i margabus.’ Didok Tuhan ma, ‘Denggan, baen ma anggo songon i, harana manjadi do i anggo ho manggabusi ia.’ ”

PANGARATAION 2:36

Dipadiar Tuhan Debata do hita mangarampas kota i sudena, mamungka sian Aroer, di topi ni Batang aek Arnon, dohot kota na di tonga ni rura i, di sude dalan na tu Gilead. Nada adong kota na matogutu tembokna di hita.

PAMUNGKAAN 6:3

Gabe didok Tuhan ma, “Nada Hupatola jolma i mangolu salolot-lolotna; angkon laing mate do halahi. Mamungka sian on, nada salpuan ni halahi be 120 taon.”

HARURUAR 8:32

Tapi dison pe tong do dipajogal raja i rohana jana nada diloas ia kehe bangso i.

HARURUAR 10:1

Didok Debata ma tu si Musa, “Kehe ma ho mangadop tu raja i. Madung Hubaen jogal rohania dohot roha ni angka menterinia i, anso tarbaen Au patidahon angka tanda hahomangan di tonga-tonga ni halahi,

HARURUAR 10:27

Dipajogal Tuhan do roha ni raja i; gabe nada diloas raja i bangso Israel kehe.

HARURUAR 11:9

Didok Tuhan ma tu si Musa, “Nada ditangihon raja i hatamu, anso umbahat dope baenonKu tanda hahomangan di Mesir on.”

HARURUAR 11:10

Dipatupa si Musa dohot si Harun do sude tanda hahomangan i di jolo ni raja i tapi dipatangkang Debata do roha ni raja i, nada dipaloas ia tinggalkonon ni halak Israel luatnia i.

MASMUR 78:43

di na nibaenNia angka hahomangan dompak di Mesir, dohot angka na ganjil-ganjil di padang Zoan.

HARURUAR 3:19

Dung i didok Debata dope, “Huboto do, nada loason ni raja Mesir i hamu kehe, asing ma muda na nipaksa.

HARURUAR 8:11

Nada gangguan ni tohuk be raja i, angka menteri dohot sude rayat i nada adong be na tading asing sian na di Batang aek Nil.”

HARURUAR 8:15

Dung diida raja i na dung marmatean sude tohuk i, dipajogal ia ma rohania mangulahi. Jana songon na nidok ni Tuhan, nada ra raja i manangihon si Musa dohot si Harun.

HARURUAR 14:17

PatangkangonKu ma roha ni halak Mesir i, anso dikojar halahi halak Israel, anso diida raja Mesir dohot angka paranganna, kareta dohot parkaretana i hagodanganKu na manaluhon halahi.