HARURUAR 4:11 - BIBEL JAMITA NA DENGGAN

¹¹ Didok Debata ma tusia, “Ise dehe na mangalehen pamangan tu jolma. Ise muse dehe mambaen jolma i ngungu sanga maingol? Ise mambaen marnida sanga mapitung? Nada he Au, Tuhan?

HARURUAR 4:11 Referans Kwoze

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

MASMUR 146:8

jana dibuka Ia do mata ni halak na mapitung. Ditogu Ia do halak na tinggang, jana dihaholongi Ia halak na tigor.

JESAYA 6:7

Didaiskon Ia ma banggar i tu bibirku jana didok Ia ma, “Madung dais tu banggar on bibirmu. Saonnari madung nisesa sude hasalaanmu dohot dosamu pe madung diampuni Tuhan.”

MASMUR 94:9

Debata do na mambaen pinggolta, patut ma he nada marbinege? Ia do na mambaen matanta, patut ma he nada marnida?

MASMUR 51:15

Urupi ma au mandok hata, ale Tuhan, jadi gabe pujionku ma Ho.

JEREMIA 1:9

Dung i disurduhon Tuhan ma tanganNia jana dijama Ia ma pamanganku lalu didok Ia, “Satutuna, madung Hubaen hatangKu tu bagasan pamanganmu.

JEREMIA 1:6

Hualusi ma, “O Tuhan Debata, nada malo au manghobari angke maposotu dope au.”

JEHESKIEL 33:22

Di borngin parpudi painte so haroronia i, madung songgop tu au tangan ni Tuhan. Jadi di na ro bayo i tu au, madung tarbaen au manghobari jana nada ngungu be au.

PAMUNGKAAN 18:14

Adong ma he pangalaho bagi aha na maol di Tuhan lakna? Di hatiha na dung ditontuhon, giot mulak ro Au mandapotkon ho di taon na ro, jana adong ma anak di si Sara.”

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

JESAYA 42:7

laho mambuka mata na mapitung; laho paruarkon na hona uhum sian bagas hurungan, angka halak na juguk di bagasan hagolapan sian hurungan.

LUKAS 1:20

Sude na hudokkon on, pasti do angkon tarjadi muda dung dapot hatihana songon na dung ditontuhon Debata. Tapi hara ni na so porsaya ho, nada tarbaen ho be annon mangkatai. Torus noma ho ngungu lopus tu hatihana tulus sude na hupaboa i.”

LUKAS 1:64

Laing di hatiha i manigor malo ma si Zakaria mangulahi mangkatai jana dipuji-puji ia ma Debata.

JOHANNES 10:21

Tapi adong muse do na mandok, “Anggo halak na hona setan, dia ma tarhatahon Ia na songon i! Dia ma tarbaen setan halak na mapitung gabe marnida?”

PAMUNGKAAN 11:7

Dumenggan ma mijur Hita jana Tapasarsar ma hata ni halahi anso ulang be marsiastuan hata ni halahi be.”

PODA 20:12

Dilehen Tuhan do di hita mata laho mangaligi, dohot pinggol laho marbinege.