HARURUAR 39:42 - BIBEL JAMITA NA DENGGAN

⁴² Madung dipatulus halak Israel sude karejo i laing songon na niparentahon ni Tuhan tu si Musa.

HARURUAR 39:42 Referans Kwoze

HARURUAR 35:10

“Sandok halak na malo sian hamu angkon ro do paulihon sasude na niparentahon ni Tuhan,

2 TIMOTEUS 4:7

Anggo au madung hudohoti parlumbaan i sadenggan-dengganna, jana madung lalu tu ujung, jana madung humomosi do haporsayaan i.

2 TIMOTEUS 2:15

Haburjuhon ma na markarejo i anso dioku Debata ho gabe halak na tama markarejo di Debata. Parayak ma anso ulang jabat maila ho hara ni karejomu, tapi sintong ma ajarkon angka pangajaran na sian Debata.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

PANGARATAION 12:32

Sai patulus hamu ma sandok na dung huparentahon tu hamu; ulang tambai sanga urahi hamu saotik pe.

HARURUAR 39:32

Ujungna sidung ma sudena karejo i na paulihon Bandar Parmianan Ni Tuhan i. Madung disalosehon halak Israel sudena hombar tu na diparentahon ni Tuhan tu si Musa.

HARURUAR 39:41

dohot angka pakean hagodangan sipakeon ni angka malim di Inganan Na Badia dohot pakean dinas ni si Harun dohot angka anaknia.

HARURUAR 39:43

Dipareso si Musa ma sudena i jana diida ia ma bahaso na dung tumbuk sudena dibaen laing songon na niparentahon ni Tuhan. Jadi dipasupasu si Musa ma antong halahi.

JEREMIA 13:5

Jadi hombar tu na diparentahon ni Tuhan i, kehe ma au jana hubunihon ma bobat abit i di lambung ni Batang aek Efrat.

HARURUAR 12:28

Dung i kehe ma halak Israel patuluskon na niparentahon ni Tuhan tu si Musa dohot si Harun.

BILANGAN 9:22

Bope na hum dua ari, sabulan, sataon sanga lobi, salolot tinggal ombun i di ginjang ni Bandar Parmianan Ni Tuhan nada morot halahi.

1 RAJA-RAJA 6:38

jana di taon pasabolaskon di bulan Bul, i ma bulan pasalapankon sidung ma Bagas Ni Debata i hombar tu na dung ditahi hian; jadi pitu taon ma lolotna paulihon Bagas Ni Debata i.

2 JUJUR TAON 8:15

Sude na niaturkon ni si Daud tu angka malim dohot halak Levi salaho tu angka gudang dohot na asing-asing, tangkas do dipadalan.