HARURUAR 38:9 - BIBEL JAMITA NA DENGGAN

⁹ Dihandang si Besaleel ma alaman ni Bandar Parmianan Ni Tuhan dohot tire sian abit linen na halus. Sabola Selatan 44 meter ginjang ni tire i,

HARURUAR 38:9 Referans Kwoze

MASMUR 100:4

Masuk ma hamu mamolus horbanganNia mardongan ende tarimakasi, tu alamanNia lalu mamuji-muji. Mandok tarimakasi ma tuSia jana puji ma Ia!

MASMUR 92:13

Tudos do halahi tu hayu na disuan di Bagas Ni Tuhan, jana manyarmak di Bagas Ni Debatanta;

MASMUR 89:7

Dipasangap angka pardibanua ginjang do Ho, jana dihabiari sian sude na adong humaliang Ho.

MASMUR 84:10

Dumenggan do sadari di BagasMu, ulang pado saribu ari di inganan na asing. Dumenggan do jongjong di horbangan ni Bagas Ni Debatangku, ulang pado tinggal di bagas ni halak na jahat.

MASMUR 84:2

Sai na malungun situtu do rohangku mida ingananMu; sai marsurak do pamatang dohot tondingku pio-pio tu Debata na mangolu.

1 RAJA-RAJA 6:36

Di jolo ni Bagas Ni Debata i dibaen do alaman. Dihuliangi tembok do alaman i, na dibaen sian salampis hayu ares Libanon ganop tolu lampis batu.

HARURUAR 40:33

Dibaen ia ma handang humaliang Bandar Parmianan dohot langgatan lalu digantungkon ia ma tire di pintu ni alamanna i. Jadi dung songon i, salose ma sude karejo i.

HARURUAR 40:8

Dung i handangna i angkon pasangonmu do humaliang Bandar Parmianan jana angkon gantungkononmu tire di pintu ni alaman i.

HARURUAR 26:1

“Angkon baenonmu do Bandar ParmiananKi sian abit linen na halus. Angkon baenonmu do sampulu tenda di Bandar Parmianan i sian abit linen na halus, na ditonun sian wol na rata langit, na bunga torung dohot na rara. Sulamkon ma tusi gambar ni angka kerub.

HARURUAR 38:10

na nitungkol ni dua pulu tiang sian tumbaga na marojahan tumbaga ganop be, na marsangkotan dohot parsambunganna na sian perak.

BILANGAN 4:26

angka tire dohot tali na di alaman humaliang Bandar Parmianan dohot langgatan, tire ni pintu tu alaman bope sude karejo na mardomu tu angka barang i.

BILANGAN 3:26

Angka tire di alaman humaliang Bandar Parmianan dohot langgatan i, dohot tire di horbangan ni alaman i. Halahi do nampuna sude karejo na adong pardomuanna dohot angka barang na disi.