HARURUAR 36:1 - BIBEL JAMITA NA DENGGAN

¹ Songon i ma sikarejohonon ni si Besaleel dohot si Aholiab bope sude halak na malo-malo na dung dipasingkop Tuhan hamaloanna dohot pangastuionna, anso laing malo patuluskon sude ragam ni karejo laho pajongjongkon Inganan Na Badia, anso sarupa tu na niparentahon ni Tuhan.”

HARURUAR 36:1 Referans Kwoze

HARURUAR 28:3

Piohon ma tukang jait na malo, na dung Hupasahat hamaloonna. Dok ma tu angka tukang i anso dibaensa pakean ni si Harun; anso tumbuk ia marhapunjungan di Au, bope anso dioloi ia Au songon malim.

HARURUAR 39:1

Dibaen si Besaleel dohot si Aholiab ma pakean na jeges-jeges sian wol na rata langit, na bunga torung, dohot na rara sipakeon ni angka malim muda hatiha maribadat halahi di Inganan Na Badia. Pakean malim ni si Harun, dibaen halahi hombar tu na diparentahon ni Tuhan tu si Musa.

HARURUAR 25:8

Suru ma anso dibaen bangso i di Au sada Bandar Na Badia, anso maringanan Au di tonga-tonga ni halahi.

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

IBRANI 8:2

Dikarejohon Ia do karejoNia songon Malim Godang di Bilik Na Sun Badia, i ma di Bandar na manongtong i, na nipajongjong ni Tuhan, nada na nibaen ni jolma.

MASMUR 119:6

Muda huparrohahon sude parentaMu, gabe nada jabat maila be au.

BILANGAN 7:9

Tapi anggo anak ni si Kehat, nada adong dijagit halahi padati dohot lombu sian si Musa, angke sude barang-barang na badia siuruson ni halahi, angkon porsanon ni halahi di abara ni halahi.

HARURUAR 36:2

Jadi dipio si Musa ma si Besaleel, si Aholiab dohot sude tukang na asing na dung disuan Tuhan tu rohana hamaloan, dohot halak na nionjar ni rohana mangurupi, lalu disuru mamungka karejo i.

1 RAJA-RAJA 7:14

Amangnia hian pe tukang tumbaga do sian Tirus jana inangnia boru Naftali. Na malo do si Hiram i manjama karejonia jana bahat do parbinotoannia di sude karejo pauli parkokas. Dipangido si Salomo ma tusia, laho manguluhon sude karejo na marpardomuan tu barang-barang na sian tumbaga jana dioloi si Hiram ma i.

1 JUJUR TAON 28:21

Anggo parbagi ni karejo di Bagas Ni Debata madung sidung i ditontuhon sian tonga-tonga ni angka malim dohot halak Levi. Di bagasan jop ni roha do angka parkarejo na malo-malo di jurusanna be laho mangurupi ho, jana mangoloi do tu parentamu angka pamimpin rap dohot sandok rayat i.”

HARURUAR 12:28

Dung i kehe ma halak Israel patuluskon na niparentahon ni Tuhan tu si Musa dohot si Harun.

HARURUAR 31:11

miak upacara, dohot hamonyan na huskus di Inganan Na Badia. Sasudena i angkon tumbuk do songon na Hudok tu ho baenon ni halahi.”

HARURUAR 38:23

Si Aholiab anak ni si Ahisamak na sian Marga Dan dongan pangurupinia na markarejo i na malo do manggorga, mambaen rangrangan jana partonun abit linen na halus dohot wol na rata langit, na bunga torung dohot na rara.

1 JUJUR TAON 2:20

Anak ni si Hur margoar si Uri jana pahompunia margoar si Besaleel.