HARURUAR 34:7 - BIBEL JAMITA NA DENGGAN

⁷ Hupatulus do baga-bagangKu tu marribu-ribu sundut jana Huampuni do hajahatan dohot dosa i tapi nada lalap boti Au manguhumi parjahat bope dakdanak dohot pahompumunu lopus tu sundut patoluhon dohot paopatkon hara ni dosa ni simatobang ni halahi.”

HARURUAR 34:7 Referans Kwoze

MASMUR 103:3

Disesa Ia do sude dosamu, jana dipamalum sude nyaemu.

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

JEREMIA 32:18

Dipatuduhon Ho do holong ni rohaMu na manongtong tu halak na marribu-ribu, tapi diuhum Ho muse do halak hara ni dosa ni simatobangna. Debata na godang do Ho jana na gogo; Tuhan Na Markuaso i do goarMu.

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.

DANIEL 9:9

Gok di Ho hasesaan ni dosa dohot asi ni roha haru pe madung mangalo hami tu Ho.

MASMUR 130:4

Hape diampuni Ho do hami, diarop rohangku do janjiNa.

JOB 10:14

Sai dipamanat Ho do au betak sai mambaen sala, anso tartulak Ho mangalehen hasesaan ni dosa.

HARURUAR 23:7

Ulang nibaen-baen hata na so tutu tu halak, jana ulang nidabu uhum mamatehon halak na so marsala, harana hona bura do baenonKu sanga ise na mambaen hajahatan na songon i.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

DANIEL 9:4

Huoku do disi sude dosa ni bangsongku tu Tuhan Debatangku. Ningku do, “O Tuhan Debata, na godang do Ho jana hami parsangapi do Ho. Sai dipatulus Ho do baga-bagaMu jana dipatuduhon Ho do holong ni rohaMu na manongtong i tu angka na marholong ni roha tu Ho jana na patuluskon sanga aha na niparentahonMu.

IBRANI 12:29

Angke songon api na mangabiskon do tutu anggo Debatanta i.

EPESUS 4:32

Tapi gumonan ma burju jana lambok hamu sama hamu, bope na marsisesaan sala songon panyesa ni Debata di dosamunu markite-hite Kristus.

MASMUR 86:15

Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

NEHEMIA 9:32

O Debata, Debatanami na gogo! Debata na godang jana na jorbut! Sai na setia do Ho maniop sumpa dohot janji, digohi Ho do sandok janjiMu jana dipatulus Ho do i. Mamungka sian na nipisat ni raja Asur hami, lopus saonnari, ma bahat pardangolan hami alami. Angka raja, malim, panurirang maradu hatobangonnaMi, bope ompu dohot rayat madung sude manaonkon i. Ulang halupahon sude na hancit i! Ulang nian agohon i sian parningotanMi!

NEHEMIA 1:5

“Ale Tuhan Debata na markuaso di banua ginjang Debata Na Godang do Ho, jana di bagasan gok biar do hami ro mangadop tu Ho. Sai tongtong do holong rohaMu di angka na mangkaholongi Ho jana na mangoloi parentaMu jana ditiop Ho do janjiMu tu halahi.

BAENON NI ANGKA RASUL 13:38

Antong patut ma botoonmunu, ale angka dongan, markite-hite Jesus do dijamitahon di hamu hasesaan ni dosa,

BAENON NI ANGKA RASUL 5:31

Jana madung dipabangkit Debata Ia markite tangan siamunNia gabe Pamimpin dohot Sipalua; anso marhamubaan ni roha dohot manjagit hasesaan ni dosa Israel i.

JOSUA 24:19

Dung i didok si Josua ma, “Tapi Debata Na Badia do Tuhan; nada ra Ia adong imbangNia. Jadi betak nada sanggup hamu tu pudi on mangoloi Tuhan. Angke muda ditadingkon hamu sanoli on Tuhan, jana kehe hamu mangoloi tu angka debata na asing, nada ampunanNia dosamunu. Balikna do, aloonNia ma hamu jana uhumanNa. PangabisonNa ma hamu, haru pe najolo burju Ia tu hamu.”

PANGARATAION 32:35

Palaluon ni Tuhan ma hosomNa, anso didabu tu halahi uhumanNa; ro do hatihana madabu halahi; ma pola donok arina maropuk halahi.

HARURUAR 23:21

Matahon hamu ma tusia jana oloi hamu. Ulang mangalo hamu tusia angke na Huutus do ia, jana indangkan na ra ia mangampuni halak na mangalanggar songon i.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

HALUMBAAN 20:15

Sanga ise halak na so adong goarna tarsurat di bagasan buku hangoluan i, diambungkon ma tu bagasan laut api i.

LUKAS 7:48

Dung i didok Jesus ma tu dadaboru i, “Madung disesa sude dosami.”

LUKAS 7:42

Nada targarar halahi na dua utang ni halahi i. Gabe disesa bayo parutangan i ma utang ni halahi na dua. Antong, ise ma sian halahi na dua na humolong rohana mida na painjamkon hepeng i?”

MATEUS 12:31

Hara ni i, Hudok ma tu hamu, sude dosa dohot hata na jat na nipardok ni halak, tarsesa do i! Tapi anggo hata na mangincahi Tondi Parbadia nada tarsesa i!

MIKA 6:11

Tarampuni Au ma he jolma na mamake timbangan na pargabus?

JESAYA 45:21

Paboa jana patuduhon ma sidalianmu, olo, padiar ma halahi rap martahi, Ise dehe na paboahon sian na robi, jana mambaritahonsa? Nada he Au, Tuhan? Nada adong na asing, nada adong Debata asing sian Au! Debata na tigor jana Sipalua, nada adong asing sian Au!”

MASMUR 136:15

Hape anggo raja ni Mesir dohot paranganna dibonom Ia, hot do holong ni rohaNia sapanjangna.

MASMUR 136:10

Dibunu Ia angka anak siangkaan ni Mesir, hot do holong ni rohaNia sapanjangna.

MATEUS 6:12

sesa ma angka dosanami, songon hami manyesa dosa ni angka na mardosa tu hami,

PAMUNGKAAN 19:16

Ganggu dope si Lot. Tapi ibo ma roha ni Tuhan mida ia; jadi gabe ditogu tamu na dua i ma si Lot dohot daborunia dohot borunia na dua i, dioban ma halahi tu ruar ni kota i.

HARURUAR 33:19

Dialusi Ia ma, “Hupatidahon pe sude sinondang ni hasangapanKu sian jolomu jana Hupaboa pe goarKu na badia i. Hulehen pe asi ni roha sanga na tu ise silehenonKu asi ni roha jana Huhaholongi ma sanga ise sihaholonganKu.”

HARURUAR 34:9

Didok ia ma, “Tuhan, muda na tutu ma lomo rohaMu mida au, pangidoanku, ale Tuhan, mardalan ma sugari Tuhan di tonga-tonganami; haru pe bangso sijogal rungkung bangso on, laing ampuni ma hasalaan dohot dosanami; jagit ma hami songon bangsoMu sandiri.”

PANGARATAION 7:9

Ingot hamu ma! Sasada Tuhan Debatamunu i do Debata, jana Debata na setia do Ia. Tu angka na manghaholongi Ia jana na mangoloi angka parentaNia, patulusonNia ma janjiNa jana patuduhononNia ma holong ni rohaNia na manongtong i lopus tu sundut pasaribuhon.

PANGARATAION 7:10

Tapi nada maralang-alang Ia manguhumi angka na magigi tuSia.

2 JUJUR TAON 30:9

Muda dirohahon hamu Tuhan, gabe maribo ni roha ma angka halak na maroban koum sisolkotmunu tu habuangan i jana suruonna ma halahi mulak mangulahi. Debata na burju jana paribo roha do Tuhan Debatamunu i; ParrohahononNia do hamu muda diparrohahon hamu Ia.”

JEREMIA 9:24

Sanga ise na giot manggodang hara ni bagi aha, manggodang ma hara ni na nitandana Au; jana diboto angka sangkapKu. Dibotosa do na so marujung holong ni rohangKu jana bonar boti tigor pambaenanKu. Sudena do i pajop rohangKu. Au do Tuhan na mandok i sudena.”

1 RAJA-RAJA 8:32

o, ale Tuhan, tangihon ma sian banua ginjang jana ho ma manimbang parkaro ni angka naposoMon. Tu angka na marsala baen ma uhuman na patut disia jana tu halak na so marsala, sai palua ma.”

MASMUR 25:11

Tuhan, songon janjiMi ampuni ma au, angke bahat situtu do dosangku.

MASMUR 99:8

Ale Tuhan Debatanami, Debata na sai mangampuni do Ho. Uhumi ma bangsoMi hara ni hasalaan ni halahi, hape tangiang ni halahi laing dialusi Ho muse.

MASMUR 109:14

Sai diingot Tuhan ma hajahatan ni ompuna, jana ulang nian diampuni dosa ni inana i sapanjangna.

JEREMIA 30:11

Angke dongananKu do ho ninna Tuhan, anso Hupalua ho: PangabisonKu ma angka bangso inganan parserahanmunui, tapi anggo ho nada pangabisonKu. AjaranKu ma ho di bagasan uhum; jana nada dohononKu ho na so marsala.”