HARURUAR 34:5 - BIBEL JAMITA NA DENGGAN

⁵ Mijur ma Tuhan di bagasan ombun, lalu jongjong di jolo ni si Musa jana digoari Ia ma goarNia na badia i, i ma Tuhan.

HARURUAR 34:5 Referans Kwoze

HARURUAR 33:19

Dialusi Ia ma, “Hupatidahon pe sude sinondang ni hasangapanKu sian jolomu jana Hupaboa pe goarKu na badia i. Hulehen pe asi ni roha sanga na tu ise silehenonKu asi ni roha jana Huhaholongi ma sanga ise sihaholonganKu.”

BILANGAN 11:25

Mijur ma Tuhan sian ombun i laho mangkatai dohot si Musa. Dibuat Tuhan i ma saotik sian Tondi na dung dilehen Tuhan i tu si Musa, lalu dilehen Ia tu pamimpin na pitupulu halak i. Dung mijur tondi i tu ginjang ni halahi, mamungka ma halahi mangkatai songon panurirang, tapi nada pola sadia honok.

HARURUAR 33:9

Muda dung masuk si Musa tu bandar i mijur ma tiang ombun i jana so ma i di pintu ni bandar i jana manghatai ma Tuhan dohot si Musa sian ombun i.

BILANGAN 11:17

Mijur pe Au jana manghatai dohot ho di inganan i, buatonKu ma saotik Tondi na Hulehen di ho anso Hulehen di halahi. Dung i tarbaen ma halahi mangurupi ho martanggung jawab hara ni bangso i, gabe nada hum ho sandiri be mamorsan i.

JESAYA 1:10

Tangihon ma hata ni Tuhan ale angka pamimpin na songon pamimpin ni Sodom! Tangihon ma tona ni Debatanta ale rayat na songon rayat ni Gomora!

PODA 18:10

Songon palas-palas na togu do Tuhan; tusi do maporus halak partigor anso malua.

MASMUR 102:21

Gabe baritahonon ma goarNia di Sion, di Jerusalem goarNia papuji-pujion,

PANGARATAION 32:3

Hupagodang do goar ni Tuhan bangsoNa i mamaritahon hagodanganNa.

HARURUAR 19:18

Ditutupi timus ma sudena Dolok Sinai i, angke madung mijur Tuhan tu ginjangna i songon api tompana. Martimbual ma timus idaon songon timus sian tataring, jana humutur ma dolok i gogo sajo.

BILANGAN 14:17

Hara ni i ale Tuhan, pangidoanku, patidahon ma kuasoMu tu hami, jana patulus ma sude na nijanjihonMi. Angke madung didok Ho,

HARURUAR 19:9

Didokkon Tuhan ma tu si Musa, “Ro ma Au mandapotkon ho di bagasan ombun na hapal, anso dibege angka jolma i mandok hata Au tu ho, jana mamungka sian on, porsaya noma halahi tu ho.” Laing dipalalu si Musa muse ma antong alus ni bangso i,

HARURUAR 23:21

Matahon hamu ma tusia jana oloi hamu. Ulang mangalo hamu tusia angke na Huutus do ia, jana indangkan na ra ia mangampuni halak na mangalanggar songon i.

BILANGAN 12:5

dung i mijur ma Tuhan di bagasan sada ombun na ginjang songon tiang. Jongjong ma Tuhan i di pintu ni Bandar Parmianan pio-pio, “Harun! Miryam!” Manigor mangalangka ma halahi na dua tu jolo,

1 SAMUEL 3:18

Jadi dicaritohon si Samuel ma sudena tu si Eli. Sada pe nada adong na nirahasiahonnia. Dung i didok si Eli ma, “Tuhan do Ia, padiar ma dipatulus Ia sanga na aha giot ni rohaNia.”