HARURUAR 34:3 - BIBEL JAMITA NA DENGGAN

³ Tapi ulang ho mardongan sahalak pe manangkok tusi jana ulang adong sahalak pe na tarida di dolok i sude, salang hambeng biri-biri pe dohot lombu nada tola manjampal humaliang dolok i.”

HARURUAR 34:3 Referans Kwoze

HARURUAR 19:21

jana didok Tuhan ma tusia, “Manuat ma ho paingotkon bangso i bahaso na so tola halahi manyalpui batas i giot ro tuson laho mangaligi Au. Muda laing dilanggar halahi do antong, bahat do sian halahi marmatean.

IBRANI 12:20

Angke nada tahan halahi pabege-bege parenta na nipalalu ni sora i. Angke didok sora i do, “Sasudena na mandonohi dolok on, nada marimbar sanga na binatang sanga na ise pe tehe, angkon dangguran do dohot batu lopus mate.”

1 TIMOTEUS 2:5

harana hum sada sajo do Debata jana sada muse do panonga-nongai ni Debata dohot jolma, i ma jolma Jesus Kristus.

HAMALIMON 16:17

Mamungka sian dung masuk si Harun tu Bilik Na Sun Badia i mangkarejohon pangalaho habadiaan lopus tu na haruar ia, sahalak pe inda tola masuk tu Bandar Parmianan, dung salose patulus upacara taringot tu dirina sandiri, tu halahi sabagas dohot tu sude halak na bahat i,