HARURUAR 34:12 - BIBEL JAMITA NA DENGGAN

¹² Jago-jago hamu, ulang jabat mambaen janji hamu dohot halak di luat na nidapotkonmunu i, anso ulang gabe jorgong halahi muse di tonga-tongamunu.

HARURUAR 34:12 Referans Kwoze

PANGARATAION 7:2

Muda dipasahat Tuhan Debatamu angka bangso i tu bagasan kuasomu jana talu halahi dibaen ho, angkon bunuonmunu do sude halahi. Ulang baen parjanjian dohot halahi, sanga pe maribo ni roha.

PANGARATAION 7:16

Sandok bangso na nipasahat ni Tuhan Debatamu tu bagasan kuasomunu, siabiskononmunu do sudena i; ulang patuduhon hamu ibo ni roha tu halahi. Ulang somba hamu angka debata ni halahi, dibaen na mangalapi hamatean tu dirimunu do pangalaho na songon i.

MASMUR 106:36

Gabe marsomba ma bangsoMu tu gana-ganaan, jana i ma di halahi boncir ni hadabuan.

HAKIM-HAKIM 8:27

Dipauli si Gideon ma sian sere i sada patung ni gana-ganaan, dibaen ia ma i di hutania, i ma di Ofra. Kehe ma tusi sude halak Israel laho marsomba gana-ganaan i, jabat nada diparrohahon halahi be Debata. Jana pangalaho i ma na gabe songon jorgong di si Gideon dohot di keluargania.

PANGARATAION 20:18

Angkon bunuonmunu do halahi, anso ulang mardosa hamu maradopkon Tuhan hara ni na mangihut di pangajaran ni halahi laho mambaen angka pangalaho hagigian na nipatupa ni halahi di na mamele angka debata ni halahi.

1 RAJA-RAJA 11:2

Hape madung ditonahon Tuhan na so tola anggo halak Israel marsibuatan dohot angka bangso na asing i, harana gabe dohot do halak Israel baenon ni i mangkaholongi angka debata na asing i. Hape, laing dipambuati si Salomo do angka boru na asing i.

2 RAJA-RAJA 17:10

Ganop di puncut ni dolok, dohot di toru ni hayu na rumbun dipajongjong halahi do tugu ni debata sileban dohot gana-ganaan ni debata boru-boru Asera.

2 JUJUR TAON 24:18

Gabe nada maribadat be rayat i di Bagas Ni Tuhan, Debata ni ompu ni halahi, tapi marsomba gana-ganaan noma dohot angka patung ni Debata Asera. Patunda ni dosa i muruk ma Tuhan tu Jerusalem dohot Juda.

BILANGAN 33:52

angkon paorotonmunu sude halak na mangingani luat i. Roncohon hamu sude gana-ganaan ni halahi na sian batu dohot logam dohot angka inganan parsombaan ni halahi.

PANGARATAION 31:5

Lehenon ni Tuhan ma hamonangan di hamu maralohon halahi, jana angkon baenonmunu do tu halahi laing songon na hudokkon i tu hamu.

JOSUA 9:7

Tapi didok halak Israel ma, “Aha ma gunana hami baen parjanjian dohot hamu? Aropku na maringanan di na donok-donok tuson do hamu!”

HAKIM-HAKIM 6:10

Madung Hudok tu hamu bahaso Au do Tuhan Debatamunu, dohot na so tola hamu marsomba angka debata ni bangso Amori na niingananmunu tanona i saonnari. Hape nada diihutkon hamu parentangKu.’ ”