HARURUAR 34:10 - BIBEL JAMITA NA DENGGAN

¹⁰ Didok Ia ma tu si Musa, “Saonnari baenonKu ma parjanjian. BaenonKu ma angka hahomangan di jolo ni bangsomon, songon na so jungada tarjadi di sude tano on di tonga-tonga ni angka bangso. Idaon ni sude bangso na humaliang hamu ma, na nibaen ni Tuhan, angke sanga aha na Hubaen rap dohot ho, pambaenan na godang situtu do i.

HARURUAR 34:10 Referans Kwoze

PANGARATAION 10:21

Puji ma Ia – Ia do Debatamunu. Diida matamunu sandiri do angka pambaenan na godang jana hahomangan na nibaenNia hara ni hamu.

MASMUR 77:14

Ho do Debata na patupahon hahomangan, dipatangkas Ho do kuasoMu di tonga-tonga ni angka bangso.

JESAYA 64:3

Di sada hatiha, baenonMu do karejo na luar biasa na so diambang roha. Mijur Ho, ale Tuhan, jana di adopanMu, manyikur angka dolok hara ni na heput.

MASMUR 66:5

Ro ma hamu mangaligi angka pambaenan ni Debata, sumurung do antong homang ni roha di pambaenanNia maradopkon jolma!

JEREMIA 32:21

Marhite kuaso dohot hagogoanMu na godang i diparuar Ho halak Israel sian Mesir. Dipatupa Ho do angka tanda dohot hahomangan maradu angka pangalaho na masa na mambaen musu tarsonggot.

2 SAMUEL 7:23

Jana nada adong sada bangso di tano on songon Israel. Hum sasada Israel do bangso na nipaluaMu sian parhatobanan anso baenonMu gabe bangsoMu sandiri. Sude pambaenanMu na godang i dohot hahomangan na nibaenMu tu halahi, na pararatkon hahuskuson ni goarMu do i tu sandok tano on. Madung dipaorot Ho angka bangso na asing dohot angka debata ni halahi di na kehe bangsoMi tu paraloan.

MASMUR 78:12

Di jolo ni angka ompu ni halahi, dibaen Debata hahomangan di Luat Mesir, di napa Zoan.

MASMUR 66:3

Dok ma tu Debata, “Hahomangan godang do antong pambaenanMu!” Tunduk tu Ho angka musu jabat bajoraon, hara ni godang ni kuasoMu.

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

JOSUA 6:20

Jadi diombus angka malim ma sarunena. Jana disi dibege angka halak Israel sora ni sarune i marsurak ma halahi sagogona, jadi gabe matolbak ma tembok ni kota Jeriko i. Manigor manangkok ma tentara ni Israel tu dolok jana masuk tu kota i mangarampassa.

HARURUAR 34:27

Didok Tuhan ma tu si Musa, “Suratkon ma sudena hata on, harana baenonKu ma parjanjian dohot ho bope dohot Israel, marojahan tu hata on.”

MASMUR 145:6

Pajojoron ni halahi ma karejoMu na godang i, giot jamitahononku ma hagodanganMi.

MASMUR 106:22

angka pambaenan na godang di Tano Ham, angka pangalaho hahomangan di Laut Rara.

MASMUR 76:12

Ditipulkon Ia do hagiot ni angka parkuaso, mabiar do angka raja maradopkon Ia.

MASMUR 65:5

Dialusi Ho do hami marhite na mangalehen hamonangan di hami na sian karejoMu na godang i, ale Debata, haluaannami! Ho do da arop ni roha ni angka bangso sanga na di dia pe i di tano on.

MASMUR 147:20

Anggo tu angka bangso na asing nada dibaen Ia songon i, nada ditanda halahi angka uhumNia i. Puji ma Tuhan!

PANGARATAION 4:13

Disi do dipabotohon Ia tu hamu sanga aha sipatupaonmunu laho manggohi parjanjian na nibaenNia dohot hamu. Parenta na sampulu na nisuratkonNia tu batu na dua hoping i angkon oloanmunu do.

MASMUR 68:35

Homang ma da roha mida tangan ni Debatanta muda ruar Ia sian parmiananNia. Dilehen Debata ni Israel do di bangsoNia hagogoan dohot kuasoNa. Puji-pujian ma di Debata!

HARURUAR 34:28

Disi ma si Musa rap dohot Tuhan opat pulu ari opat pulu borngin honokna, nada mangan nada minum jana disuratkon ia ma di batu i sude hata ni parjanjian i, i ma Parenta Na Sampulu ni Debata.

PANGARATAION 9:19

Mabiar do au di haririmas ni Tuhan dibaen sun do murukNia, jabat do giot pusaonNia hamu; hape laing ditangihon Tuhan dope au sanoli on.

MASMUR 72:18

Puji ma Tuhan ni Israel! Hum Ia do na patupahon pangalaho na godang.

MASMUR 136:4

Hum Ia do na mambaen angka hahomangan godang, hot do holong ni rohaNia sapanjangna.

MIKA 7:15

Baen ma hahomangan di hami, ale Tuhan, songon na nibaenMu narobi di na niobanMu hami haruar sian Mesir.