HARURUAR 33:7 - BIBEL JAMITA NA DENGGAN

⁷ Dung i dibuat si Musa ma bandar i jana dipahirbang ia ma dao di ruar ni parbandaran i jana digoari ia ma i Bandar Parmianan Ni Tuhan. Sanga ise halak na manjalahi Tuhan, ro ma ia tu Bandar Parmianan Ni Tuhan na di ruar ni parbandaran i.

HARURUAR 33:7 Referans Kwoze

JESAYA 59:2

Hara ni angka dosamunu i do umbaen na so ditangihon Ia hamu. Patunda ni angka hajahatanmunu i do umbaen na sirang hamu sian Debata di na so marsomba hamu tuSia.

PODA 15:29

Ditangihon Tuhan do muda martangiang halak na burju, tapi nada diterge Ia halak na so tontu.

2 SAMUEL 21:1

Dompak si Daud mamarenta, masa ma haleon potir tolu taon honokna. Dung i adong ma dijagit si Daud panogu-noguon ni Tuhan taringot tusi, jana didok Tuhan ma, “Anggo haleon i, i ma hara ni hasalaan ni si Saul dohot donganna sabagas, mate diuhumi halahi antong angka halak Gibeon.” (

PANGARATAION 4:29

Jalahanmunu ma disi Tuhan Debatamunu, jana muda sian sandok roha dohot tondimunu hamu manjalahi Ia, dumpang hamu ma Ia.

HOSEA 9:12

Tapi haru pe adong dakdanak na sorang jana na dipagodang-godang, buatonKu do halahi; sahalak pe nada Hupaloas mangolu. Marjaya ma hamu ale bangso Israel, muda jabat Hutadingkon hamu!”

MASMUR 35:22

Tapi diboto Ho do sudena i, ale Tuhan, ulang be Ho sai mandao-dao jana sai hohom.

MASMUR 27:8

Ho mandok, “Ro marsomba tu Au.” Hualusi do, “Ale Tuhan, manigor ro pe au.”

MASMUR 10:1

Biasi songon i daoMu o Tuhan, jana martabuni Ho taran hami di hasusaan?

IBRANI 8:2

Dikarejohon Ia do karejoNia songon Malim Godang di Bilik Na Sun Badia, i ma di Bandar na manongtong i, na nipajongjong ni Tuhan, nada na nibaen ni jolma.

HARURUAR 18:7

Jadi kehe ma si Musa mangalo-alo halahi. Manungkap ma ia di jolo ni si Jetro, jana diumma ia ma. Marsisapaan ma halahi sanga na horas torkis be do halahi sude, jadi dung i, masuk ma halahi tu bagasan bandar ni si Musa i.

HARURUAR 18:12

Dung i dioban si Jetro ma sanga na piga haul situtungon dohot haul sisambolon songon somba-sombania tu Debata. Ro do si Harun rap dohot sude pamimpin ni halak Israel i tu parjamuan i lalu mangankon panganon na badia i dohot si Jetro di jolo ni Debata.

HARURUAR 33:6

Songon i ma dalanna nada mamake barang parhiasan be halak Israel mamungka sian Dolok Sinai.

HARURUAR 33:8

Muda hatiha ruar si Musa jana kehe tu bandar i, ngot ma sude bangso i jana jongjong di pintu ni bandarna be jana diihutkon halahi ma dohot mata ni halahi lopus masuk ia tu bandar i.