Biblia Todo Logo
Bib sou entènèt

- Piblisite -




HARURUAR 33:16 - BIBEL JAMITA NA DENGGAN

16 Sian dia ma antong parbinotona bahaso na lomo rohaMu di bangsoMon dohot tu au anggo na so dongananMu hami? Nada he hara ni na rap do Ho dohot hami umbaen na markoti bangsoMi sian angka bangso na asing di tano on?”

Gade chapit la Kopi




HARURUAR 33:16
15 Referans Kwoze  

Anggo angka bangso na asing sanga na bia pe godangna, nada adong debatana na songon i donokna muda dihaporluhon songon donok ni Tuhan Debatanta tu hita. Dialusi Ia do hita sanga na andigan sajo hita pio-pio mangido tolong.


Jana nadung dibaritahon halahi do angka pangalaho i tu halak na maringanan di luat on. Jadi madung diboto halahi, na rap do Ho dohot hami. Jana madung dibege halahi, bahaso tarida do Ho tangkas muda maradian ombunMu di ginjangnami, dijoloi Ho do hami mardongan tiang ombun muda arian, jana marhite tiang api muda borngin.


Sian sude bangso madung dipili Ho halahi gabe bangsoMu sandiri, songon na dung didokMi marhite naposoMu si Musa, di hatiha ditogu Ho ompungnami haruar sian Mesir.”


“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)


Didok Ia ma tu si Musa, “Saonnari baenonKu ma parjanjian. BaenonKu ma angka hahomangan di jolo ni bangsomon, songon na so jungada tarjadi di sude tano on di tonga-tonga ni angka bangso. Idaon ni sude bangso na humaliang hamu ma, na nibaen ni Tuhan, angke sanga aha na Hubaen rap dohot ho, pambaenan na godang situtu do i.


Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.


Jana nada adong sada bangso di tano on songon Israel. Hum sasada Israel do bangso na nipaluaMu sian parhatobanan anso baenonMu gabe bangsoMu sandiri. Sude pambaenanMu na godang i dohot hahomangan na nibaenMu tu halahi, na pararatkon hahuskuson ni goarMu do i tu sandok tano on. Madung dipaorot Ho angka bangso na asing dohot angka debata ni halahi di na kehe bangsoMi tu paraloan.


Tapi asing baenonKu anggo tu tano Gosen, inganan ni bangsongKi. Anggo disi nada adong lanok, anso diboto hamu, Au do Tuhan na manguhum luat on.


Anggo tu angka bangso na asing nada dibaen Ia songon i, nada ditanda halahi angka uhumNia i. Puji ma Tuhan!


Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.


Sian angka dolok na gincat, tarida ma bangso i. Sian puncut ni angka tor, huida halahi. Diboto halahi do na nipasupasu halahi so adong bangso na asing mangalobi i.


Madung Hujanjihon bahaso tano na mora jana na napu i gabe hamu ma nampuna i, jadi lehenonKu ma i di hamu. Au do Tuhan Debatamu jana madung Hupaasing hamu sian angka bangso na asing i.


Madung Hupaasing hamu sian angka bangso na asing, anso gabe hum Au sajo nampuna hamu. Angkon badia do hamu angke Au do Tuhan, jana na badia do Au.


Didok ia ma, “Tuhan, muda na tutu ma lomo rohaMu mida au, pangidoanku, ale Tuhan, mardalan ma sugari Tuhan di tonga-tonganami; haru pe bangso sijogal rungkung bangso on, laing ampuni ma hasalaan dohot dosanami; jagit ma hami songon bangsoMu sandiri.”


Swiv nou:

Piblisite


Piblisite