HARURUAR 33:12 - BIBEL JAMITA NA DENGGAN

¹² Jadi didok si Musa ma sanoli tu Tuhan, “Tutu do disuru Tuhan au maroban bangso on tu tano na nijanjihonMi, tapi nanggo adong dipaboa Ho tu au sanga ise sisuruonMu mandongani au. Tapi haru songon i pe laing didok Ho do, na nitandaMu goarku jana lomo rohaMu di au.

HARURUAR 33:12 Referans Kwoze

HARURUAR 33:17

Didok Tuhan ma tu si Musa, “Huoloi pe pangidoanmi hara ni na lomo rohangKu di ho jana Hutanda ho tangkas.”

JEREMIA 1:5

“Dompak so Hujadihon ho di bortian ni inangmu, madung Hutanda ho, jana taran so sorang dope ho madung Huparbadiai ho, madung Hutodo do ho gabe panurirang tu angka bangso.”

HARURUAR 32:34

Tapi anggo ho kehe ma saonnari manogu-nogu bangso i tu inganan na dung Hupaboa tu ho; mardalan do surusuruanKu di jolomu; tapi di ari pamalosonKi baloskononKu ma tu bangso i dosa ni halahi i.”

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

HARURUAR 33:1

Didok Tuhan ma tu si Musa, “Mardalan ma ho sian on rap dohot bangso na niuluhonmu ruar sian Mesir, tu luat na Hujanjihon mardongan sumpa tu si Abraham, si Ishak dohot si Jakob dohot tu pomparan ni halahi.

HARURUAR 3:10

Saonnari Husuru ho anso kehe mangadop tu raja ni Mesir, anso bolas ho manguluhon bangsongKi haruar sian luat i.”

MASMUR 1:6

Ditogu-togu Tuhan do anggo halak pangoloi, tapi anggo halak na jahat muli-muli tu hamagoan do i.

HARURUAR 33:2

SuruonKu do sahalak surusuruan mardalan di jolomu jana paorotonKu halak Kanaan, halak Amori, halak Het, halak Peris, halak Hewi dohot halak Jebus.

JESAYA 45:3

Gabe lehenonKu ma di ho arta pusako, harta sinadongan na buni, anso diboto ho Au Tuhan Debata ni Israel, na dung marpio ho marhite goarmu.

HAGAI 2:5

Di na haruar hamu sian Mesir, na dung Hujanjihon do sai ondihononKu hamu. Jana saonnari pe Huondihon do hamu. Jadi ulang pola mabiar hamu.

HARURUAR 3:4

Dung diida Tuhan si Musa donok tu inganan i, pio-pio ma Tuhan sian tonga-tonga ni ramba i, “Musa! Musa!” “Olo dison do au,” ning si Musa mangalusi.

HARURUAR 34:9

Didok ia ma, “Tuhan, muda na tutu ma lomo rohaMu mida au, pangidoanku, ale Tuhan, mardalan ma sugari Tuhan di tonga-tonganami; haru pe bangso sijogal rungkung bangso on, laing ampuni ma hasalaan dohot dosanami; jagit ma hami songon bangsoMu sandiri.”

2 SAMUEL 15:25

Dung i didok raja i ma tu si Zadok, “Paulak ma mangulahi Poti Parjanjian i tu kota i. Muda na lomo do roha ni Tuhan tu au, paloasonNia do au mulak marnida Poti Parjanjian i dohot inganan parmiananNia i mangulahi.