HARURUAR 33:11 - BIBEL JAMITA NA DENGGAN

¹¹ Jana marsiadopan bohi do Tuhan manghatai dohot si Musa songon sada halak na manghatai dohot donganna; dung sidung, mulak ma ia mangulahi tu parbandaran. Tapi anggo pangoloinia si Josua anak ni si Nun, na poso dope. Anggo ia nada morot sian bandar i.

HARURUAR 33:11 Referans Kwoze

BILANGAN 12:8

Jadi mangkatai Au dohot ia paadop-adop bohi be, tangkas nada markuling-kulingan. Salang tompangKu pe madung diida ia! Biasi puluk dope hamu mangalo ia?”

PANGARATAION 34:10

Nada adong dope di Israel sada panurirang songon si Musa na paadop-adop mangkobari dohot Tuhan.

HARURUAR 33:9

Muda dung masuk si Musa tu bandar i mijur ma tiang ombun i jana so ma i di pintu ni bandar i jana manghatai ma Tuhan dohot si Musa sian ombun i.

HARURUAR 24:13

Jadi markobas ma si Musa dohot si Josua pangurupinia i laho manangkok tu dolok na badia i.

PANGARATAION 5:4

Mangkobari do Tuhan di ginjang ni dolok i sian api paadop-adop dohot hamu.

PAMUNGKAAN 32:30

Jadi didok si Jakob ma, “Madung marsuo bohi au dohot Debata, hape laing mangolu dope au.” Jadi dibaen ia goar ni inganan i, Peniel.

JAKOBUS 2:23

Hombar do i tu ayat na mandok, “Porsaya do si Abraham tu Debata, jana dietong ma i disia gabe hatigoran.” Hara ni i ma umbaen na nigoaran si Abraham, “Ale-ale ni Debata.”

JOHANNES 11:11

Songon i ma pandok ni Jesus. Dung i didok Ia muse dope tehe, “Madung modom si Lasarus donganta i, tapi kehe ma Au manyungguli ia.”

JOHANNES 3:29

Bayo pangoli do nampuna boru na niolina. Anggo dongan ni bayo pangoli i hum jongjong sajo do ia mandongani jana manangihon pangoli i jana jop ma rohania umbege sora ni pangoli i. Songon i ma au, saonnari marjop ni roha situtu do au.

JESAYA 42:8

Au do Tuhan, i ma da goarKu, nada lehenonKu hamuliaonKu tu na asing. HabonggalonKu nada i pasahatonKu tu angka patung na nipambaenan.

JOB 16:21

Iale, sugari nian Debata sandiri ma mangampini di joloNia; songon halak na rade mangondihon ale-alena.

2 JUJUR TAON 20:7

Ho do Debatanami. Dompak na ro bangsoMu Israel tu luat on, dipaorot Ho do angka jolma na maringanan hatiha i dison. Lalu dilehen Ho luat on tu pomparan ni si Abraham, ale-aleMi anso gabe tano nampuna ni halahi sandiri sapanjangna.

HARURUAR 32:17

Di na nibege ni si Josua sora ni bangso i marsurak-surak, lalu didok ia ma tu si Musa, “Adong tarbege sora na gogo, surak-surak ni porang di parbandaran i.”

HARURUAR 17:9

Didok si Musa ma tu si Josua, “Pilii ma jolo sanga na piga-piga halak anso kehe marporang mangalo halak Amalek ancogot. Anggo au, jongjong di puncut ni dolok do maniop tungkot na nisuru oban ni Tuhan tu au.”

HARURUAR 33:10

Jadi muda dung diida halahi so tiang ombun i di pintu i, marsomba ma halahi di pintu ni bandarna be.

BILANGAN 11:28

Dung i ro ma si Josua anak ni si Nun na dung gabe pangurupi di si Musa sian haposoonna dope mandok tu si Musa, “Suru ma, anso mantak halahi.”

BILANGAN 12:7

Tapi nada songon i muda mangkatai Au dohot si Musa pangoloingKi. Madung Hupasahat tusia karejo mamimpin bangsongKu Israel.

PANGARATAION 31:14

Dung i didok Tuhan ma tu si Musa, “Nada pola lolot be ho mangolu. Jadi piohon ma si Josua, jana oban ma ia tu Bandar ParmiananKu, anso tarlehen Au angka panogu-noguon tusia.” Jadi kehe ma si Musa dohot si Josua tu Bandar Parmianan,