Biblia Todo Logo
Bib sou entènèt

- Piblisite -




HARURUAR 32:9 - BIBEL JAMITA NA DENGGAN

9 Didok hata ni Tuhan dope tu si Musa, “Madung Huida bangso on, jana satutuna do bangso na jogal rungkung halahi.

Gade chapit la Kopi




HARURUAR 32:9
19 Referans Kwoze  

O hamu na jogal rungkung, bope na marroha dohot na marpinggol songon halak na so mananda Debata! Tongtong do dialo hamu Tondi Parbadia, songon ompumunu i, laing songon i do hamu muse.


Huboto do ho sijogal roha, kapala batu, pir songon bosi.


Didok Tuhan muse dope tu au, ‘Huboto do anggo bangso on na santak do jogal ni rohana.


Didok ia ma, “Tuhan, muda na tutu ma lomo rohaMu mida au, pangidoanku, ale Tuhan, mardalan ma sugari Tuhan di tonga-tonganami; haru pe bangso sijogal rungkung bangso on, laing ampuni ma hasalaan dohot dosanami; jagit ma hami songon bangsoMu sandiri.”


Madung diparentahon Tuhan tu si Musa anso didok ia tu bangso i, “Bangso sijogal rungkung do hamu. Muda mardalan Au di tonga-tongamunu hum sangombas pe tontu sun ma hamu mago baenonKu. Jadi hara ni i bukai hamu ma angka barang parhiasanmunu i anso Huida jolo sanga aha na giot sibaenonKu tu hamu.”


Masuhanmunu ma tano na gok susu dohot aer ni loba. Harana nada ra Au mardalan di tonga-tongamunu dibaen bangso sijogal rungkung do hamu anso ulang abis hamu lalu Hubaen di tonga dalan i.”


Huboto do sanga na bia jogal ni roha ni bangso i jana na sai tagi-tagi mangalo. Na dung mangalo do halahi tu Tuhan salolot mangolu au, jana mur mangalo dope i muse dung marujung ngolungku.


Ulang pajogal roha hamu songon halahi i, tapi burju hamu mangoloi Tuhan. Ro ma hamu tu Jerusalem, tu Bagas Ni Debata na nihapunjungkon ni Tuhan Debatamunu diSia sandiri salolot-lolotna. Beta ma hita maribadat tuSia anso laing mombun ma da murukNia maradopkon hamu.


Pos ma rohamunu, nada dipasahat Tuhan tano napu i tu hamu hara ni na tumbuk hamu manjagit. Nada! Bangso sijogal rungkung do hamu.


Sanga ise na manangkang muda dipaingot, di sada hatiha gabe maropuk jana nada be tarpauli.


Anso ulang halahi songon ompuna, na sai mangalo jana manggaga. Sai na ganggu do haporsayaan ni sundut ni halahi nada setia tu Debata halahi.


Nada ra patu halahi, sude hadenggananMu dihalupahon do, jana sude pambaenanMu hahomangan i sian parningotanna abis do. Sian ginjang ni rohana, dipili halahi ma sahalak ketua. Sai giot tu Mesir do halahi, mangulahi gabe hatoban. Hape Debata na sai mangampuni do Ho, silapang andora, na basa jana na sun paribo. Na sun do antong hasurungan ni holongMi: Nada Ho manadingkon halahi.


Jadi mamungka sian saonnari, sai marpangoloion ma hamu tu Tuhan jana ulang be marjogal ni roha hamu.


Huida do sada hajorbuton di Israel: Hodar do dibaen bangsongKi dirina sandiri marhite na manyomba gana-ganaan.


Madung Huida hamu patupahon angka pangalaho na Huhagigihon. Huida do hamu markarosuan jana manggampang di angka dolok dohot di angka ladang. Marjaya ma hamu halak Jerusalem! Andigan pe hamu giot malua sian sandok hajahatan?”


Didok Tuhan ma tu si Musa, “Sadia honok nari aloon ni bangso on Au? Sadia honok nari tangkang halahi nada ra porsaya di Au, haru pe na dung bahat Hubaen hahomangan di tonga-tonga ni halahi?


Hape nada ditangihon Israel dohot Juda; na tangkang do halahi laing songon ompu ni halahi i na so porsaya tu Tuhan, Debata ni halahi.


Hape siginjang roha do ompunami boti na jogal roha, angka parentaMu nada ra halahi mangoloisa.


Swiv nou:

Piblisite


Piblisite