HARURUAR 32:19 - BIBEL JAMITA NA DENGGAN

¹⁹ Jana dung donok ia tu parbandaran i, diida ia ma anak ni lombu i dohot halak na manortori, gabe muruk sajo ma si Musa; didanggurkon ia ma batu si dua lambar i sian tangannia jana ditaporkon ia ma tu pat ni dolok i.

HARURUAR 32:19 Referans Kwoze

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.

MARKUS 10:14

Jadi marnida i muruk ma Jesus didok Ia ma tu angka anak siseanNia i, “Padiar hamu ma marroan angka dakdanak i tu Au! Ulang rarang hamu halahi. Angka halak sisongon i do na gabe nampuna Harajaan Ni Debata.

MARKUS 3:5

Marsak ma Jesus hara ni pir ni roha ni halahi. Jadi muruk ma Jesus marnida halahi na humaliang i, didok Ia ma tu bayo i, “Pahortang ma tanganmi!” Dipahortang ia ma tangannia i dung i gabe malum ma.

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

ZAKARIA 11:14

Dung i huponggolkon ma tungkotku na paduahon, i ma na hugoari “Ihot-ihot”, jadi gabe matapor ma hasadaon ni Juda dohot Israel.

ANDUNG 5:15

Ma pola mago hatuaannami; muba do tortor gabe siluluton di hami.

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

2 SAMUEL 6:14

Dung i marsitutu ma si Daud manortori laho pasangapkon Tuhan. Pakeannia di hatiha i, i ma baju efod na sian abit linen.

PANGARATAION 27:26

‘Bura ni Debata ma di halak na so mangoloi sude uhum dohot pangajaran ni Debata.’ Dung i sude ma bangso i mandok: ‘I ma tutu!’ ”

BILANGAN 12:3

Sada halak na toruk roha do si Musa, tumoruk do rohania sian sude jolma na adong di ginjang tano on.)

HARURUAR 32:11

Tapi dielek-elek si Musa do anso mombun roha ni Tuhan, Debatania i, didok ia ma, “Biasi ma he jabat songon i murukMu tu bangsoMu na dung diobanMi ruar sian Mesir mardongan hagogoon na tarlobi rap dohot tangan na gogo situtu?

HARURUAR 15:20

Dung i dibuat si Miryam, i ma sada panurirang, iboto ni si Harun ma rapanonia jana sude dadaboru rap mamalu rapano lalu manortor.

1 KORINTUS 10:7

Boti muse anso ulang tasomba gana-ganaan songon na nibaen ni deba sian halahi, songon na tarsurat, “Jadi juguk ma bangso i mangan dohot minum, dung i jongjong ma halahi jana manortori.”

HARURUAR 32:18

Didok si Musa ma, “Nanggo sora ni na mangendehon hamonangan, nada muse sora ni na mangendehon hataluan; sora ni na marende marsialus-alusan do i hubege.”

HARURUAR 34:1

Didok Tuhan ma tu si Musa, “Tuhil ma jolo dua batu sarupa dohot na parjolo i, giot suratonKu di batu i sude hata na adong di batu na parjolo na nitaporkonmi.

MASMUR 119:53

Muda huida halak na jahat mangalanggar TonaMu, marsigorgor ma muruk ni rohangku.

PANGARATAION 10:2

Giot suratonKu di batu i angka hata na Husuratkon di batu na nitaporkonMi, dung i angkon pamasuhonMu ma i tu bagasan poti i.’