HARURUAR 30:15 - BIBEL JAMITA NA DENGGAN

¹⁵ Ulang lobi dihaulkon halak na maradong, jana halak na pogos pe ulang hurang sian satonga sikal dipasahat haulna di na pasahatkon haul sisongon i maradopkon Tuhan laho manggarar hepeng tobus ni hosa ni halahi.

HARURUAR 30:15 Referans Kwoze

BILANGAN 31:50

Saonnari adong do hami oban angka barang sere, golang tangan, golang pat, tintin, anting-anting dohot borgok na hami buat be. Sudena i hami haulkon tu Tuhan songon garar ni hosanami anso tongtong didongani Ia hami.”

EPESUS 6:9

Hamu dongan na gabe tuan! Angkon laing songon i do hamu maradopkon angka hatobanmunu. Antak hamu ma na mamake ondam-ondam. Angkon ingotonmunu do, rap satuan do hamu dohot angka hatobanmunu i, i ma tu Tuhan na di banua ginjang i. Nada mardia imbar halak diSia.

JOB 34:19

Nada Ia teleng tu angka raja, sanga patujolohon na mora sian angka na susa. Harana rap na nitompaNia do halahi sudena.

HAMALIMON 17:11

Hosa ni ganop na mangolu, di bagasan mudarna do. Hara ni i ma dibaen diparentahon Tuhan anso sude mudar diduruskon di ginjang ni langgatan anso sesa sude dosa. Sarupa dohot hosa do mudar i manyesa dosa.

HARURUAR 30:12

“Muda hatiha mangetong bahat ni halak Israel ho sanga sadia bahatna di na mandaftar halahi, angkon pasahaton ni halahi do haul tu Tuhan, i ma hepeng pandamei hara ni hosa ni halahi, di na nidaftarkon ni donganna halahi anso ulang adong na hona bala sian halahi di na mandaftar i.

KOLOSSE 3:25

Harana sanga ise na marsala, tanggungonna ma angka hasalaanna i; angke sarupa do sudena jolma diida Tuhan i.

PODA 22:2

Adong do sada pangalaho na dos di na kayo dohot na pogos: Rap na ditompa ni Tuhan do i sudena.

2 SAMUEL 21:3

jana disapai ia ma tu halahi, “Aha do na tarbaen au di hamu? Sai giot tobusonku do nian hasalaan na dibaen maradopkon hamu, anso mamasumasu hamu tu pusako ni Tuhan.”

HARURUAR 30:14

Ganop halak na giot daftarkonon i, na marumur dua pulu taon tu ginjang, angkon pasahatonna ma haul sisongon i tu Tuhan.

HARURUAR 30:16

Jana angkon pangidoonmu do hepeng pandamei i sian halak Israel jana pargunahononmu ma i pature-ture Bandar ParmiananKu, anso gabe parningotan ma i di adopan ni Tuhan laho paingotkon halak Israel dohot laho patupahon pandamei salaho tu hosamunu sasude.”

HARURUAR 38:26

Sai ma bahat ni panggararan ni halak Israel, sude na tarsurat di sensus i. Ganop halak manggarar ma hombar tu na ditontuhon, ditimbang do i mangihutkon timbangan na rasmi. Di sensus i tarsurat ma 603.550 bahat ni halaklahi na marumur dua pulu taon tu ginjang.

JEHESKIEL 45:16

Angkon obanon ni halak na saluat on do angka haul tu parkuaso na mamarenta di Israel.