HARURUAR 3:14 - BIBEL JAMITA NA DENGGAN

¹⁴ Didok Debata ma tu si Musa, “Au do Au Na Adong. I ma dohononmu tu halahi, ‘Na nigoaran i Au Na Adong i do na marsuru au manopot hamu.’

HARURUAR 3:14 Referans Kwoze

IBRANI 13:8

Tongtong do sarupa anggo Jesus Kristus, najolo, saonnari jana ro di salolot-lolotna.

JOHANNES 8:58

Dialusi Jesus ma, “Tutu do na Hudok di hamu: Dompak so sorang dope si Abraham, madung adong hian Au.”

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.

MASMUR 90:2

taran so dijadihon Ho dope angka dolok, jana dompak so ditompa Ho dope tano on dohot portibi on. Ho do Debata na manongtong, na so marmula na so marujung.

JESAYA 44:6

On ma na nidok ni Tuhan, Raja dohot Partobus ni Israel, Tuhan Na Markuaso, “Au do na parjolo jana Au do na parpudi, asing sian Au nada adong be debata na asing.

HALUMBAAN 1:4

Sian si Johannes tu parlagutan na pitu i, na di tano Asia. Asi ni roha ma di hamu dohot hasonangan sian Ia, na adong saonnari, na dung adong hian, jana na giot ro, dohot sian tondi na pitu i, na di jolo ni habangsaNia,

HALUMBAAN 1:17

Di na mangaligi au tuSia, tungkap ma au tu joloNia songon halak na dung mate. Tapi dibaen Ia ma tu au tangan siamunNia didok Ia ma, “Ulang ho mabiar! Au do Na Parjolo dohot Na Parpudi.

HARURUAR 6:3

Ro do Au mandapotkon si Abraham, si Ishak dohot si Jakob, i ma Debata na gok kuaso, tapi nada Hupataridahon diringKu tu halahi marhite goar ‘Tuhan’ i ma goarKu na badia i.

HALUMBAAN 4:8

Mahluk na opat i, onom be habongna jana sap sudena dohot mata. Nada mantak mahluk na opat i marende arian na borngin, “Na badia, na badia, na badia do Tuhan Debata Parkuaso Na Sumurung i; na adong, na dung adong, jana na giot ro!”

2 KORINTUS 1:20

Angke markite-hite Ia madung didok Debata, “Olo” taringot tu sude na dung nijanjihonNia. Hara ni i ma umbaen na tardok hita, “Amen” tu Debata hara ni Jesus Kristus. Anso nipasangap ma Debata.

JOHANNES 8:28

Jadi didokkon Jesus ma tu halahi, “Dung dipatuginjang hamu sanoli on Anak Ni Jolma i, botoonmunu ma disi, ‘Au do’ na nidok ni surat i. Disi pe anso tangkas diboto hamu na so adong sada pe na Hubaen i sian roha-rohangKu sandiri. Sanga aha na niajarkon ni Damang tu Au, hum i sajo do na Huhatahon.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

MASMUR 68:4

Marende ma hamu di Debata, puji ma goarNia, parade ma dalan diSia na markareta ombun. Tuhan do goarNia, marolop-olop ma di joloNia.

MATEUS 18:20

Angke sanga di dia rap marlagut dua sanga tolu halak di bagasan goarKu, disi do Au rap dohot halahi.

JOB 11:7

Bia ma he pandodomu di bako ni Debata? Tardodo ho ma he gogo ni kuasoNa?

JOHANNES 8:24

Hara ni i do umbaen na Hudok tu hamu, angkon mate hamu di bagasan angka dosamunu. Jana tutu do i angkon mate hamu di bagasan angka dosamunu, anggo laing na so porsaya hamu, ‘Au do ibana’.”

HARURUAR 3:13

Dialusi si Musa ma, “Tapi muda kehe au manopot halak Israel jana hudok tu halahi, ‘Debata ni ompumunu i do marsuru au manopot hamu,’ sapaan ni halahi ma, ‘Ise ma he goarNa?’ Jadi aha ma alusku tu halahi?”

HARURUAR 6:2

Mangkuling ma Debata tu si Musa, ninna ma, “Au do Tuhan.

HARURUAR 23:21

Matahon hamu ma tusia jana oloi hamu. Ulang mangalo hamu tusia angke na Huutus do ia, jana indangkan na ra ia mangampuni halak na mangalanggar songon i.

HARURUAR 15:3

Tuhan do panglima ni porang; Tuhan, i ma goarNa.

JESAYA 42:8

Au do Tuhan, i ma da goarKu, nada lehenonKu hamuliaonKu tu na asing. HabonggalonKu nada i pasahatonKu tu angka patung na nipambaenan.