HARURUAR 28:42 - BIBEL JAMITA NA DENGGAN

⁴² Baen ma saraor pendek sian abit linen di halahi, ginjangna mamungka sian gonting lalu tu hae-haena, anso ulang haidaan na niabitanna i.

HARURUAR 28:42 Referans Kwoze

JEHESKIEL 44:18

Anso ulang mungkup sanga hodohan, angkon mamake saraor linen do halahi, nada marbobat, dohot panambat ni ulu sian abit linen.

HAMALIMON 16:4

Dung i dilehen Tuhan muse dope angka paraturan. Taran so masuk si Harun tu Bilik Na Sun Badia i, angkon maridi ia jolo, dung i dipake ia pakean ni malim, i ma baju dohot saraor pendek sian abit linen, bobat dohot saroben.

HAMALIMON 6:10

Dung i angkon pakeonnia do saraor pendek dohot baju juba na nibaen sian abit linen, lalu mambangkit abu na martabo-tabo na lobi sian langgatan jana mamayakkon tu topi ni langgatan i.

HALUMBAAN 3:18

Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.

HARURUAR 39:28

songon i saroben, kupia, saraor pendek sian abit linen,

HARURUAR 20:26

Ulang baen hamu langgatan na gincat na jabat martangga laho manaeksa, anso ulang haidaan goar-goaran ni pamatangmu na pantang idaon.”

JEHESKIEL 44:17

Di na masuk halahi sian pintu horbangan laho tu alaman na di bagasan i, angkon marpakean abit linen do halahi. Nada tola halahi mamake pakean na sian abit wol muda hatiha markarejo di alaman na di bagasan i, sanga di bagasan BagasKu.