HARURUAR 26:14 - BIBEL JAMITA NA DENGGAN

¹⁴ Baen ma dua nari panutup ni Bandar Parmianan, sada ma i sian kulit ni biri-biri jantan na niraraan, jana na sada nari sian kulit na halus panutupna sian ruar.

HARURUAR 26:14 Referans Kwoze

HARURUAR 36:19

Dibaen halahi muse ma dua nari tutup na asing, sada ma i sian bobak ni hambeng jantan na dirarai, jana na asing i sian bobak na halus baen panutup ni bagian parduru.

HARURUAR 25:5

huling-kuling ni biri-biri jantan na niraraan, huling-kuling na nipahalus, hayu akasia,

JEHESKIEL 16:10

Dung i Hupapakehon ma tu ho baju gaun na marsulam, sipatu kulit na jumeges, panambat ni ulu sian abit linen dohot juba sutera.

JESAYA 25:4

Ho do parlojongan ni halak na pogos dohot na gale, di Ho do halahi sonang di hamamasa ni susa pe. Sian alogo na jorbut diondingi Ho do halahi. Sian pandoit ni na milas dilinggomi Ho do halahi. Ompot mambaen serangan halak na jungkat songon haroro ni bade di ari nonat,

JESAYA 4:6

LaunganNia ma kota i sian las ni ari hatiha arian, jana mambaensa gabe inganan na sonang na so hona udan dohot bade.

MASMUR 27:5

Tuhan do mangondingi au di hatiha parmaraan, mamunihon au di BagasNa, mangabing au tu ginjang ni dolok batu.

BILANGAN 4:10

Inganan ni lampu dohot sude parkokasna angkon bungkuson di bagasan sangkarambar bobak na halus dung i dipayakkon di ginjang ni inganan pamorsananna.

BILANGAN 4:5

Dilehen Tuhan ma angka parenta tu si Musa songon on: Muda dapot hatiha mambuka parbandaran i, angkon masuk ma si Harun dohot angka anaknia tu Bandar ParmiananKu, lalu paijurkon tire na di jolo ni Poti Parjanjian, dung i ditutup ma Poti i dohot tire i.

HARURUAR 39:34

tutupna na sian bobak ni hambeng jantan na dirarai, tutupna na sian bobak na halus, tire panutup ni Inganan Na Sun Badia;

HARURUAR 35:23

Bope sanga ise na maniop abit na bunga torung, dohot na rata langit, abit na rara, linen na lamot, imbulu ni hambeng, bobak ni biri-biri jantan na niraraan dohot bobak ni lamun-lamun, marsioban ma.

HARURUAR 35:7

bobak ni biri-biri jantan na niraraan, bobak ni lamun-lamun, hayu tamariska,

HARURUAR 26:13

Silima pulu sentimeter lobi ni abit i di ujung ni unjurna i, nipadiar ma i manutupi topi ni Bandar Parmianan.

BILANGAN 4:25

Bandar Parbadia dohot angka barang: Tutup ni Bandar Parmianan sian bagasan, tutup sian ruar, abit sian bobak na halus panutup sian ginjang, tire ni pintu ni Bandar Parmianan,