HARURUAR 24:18 - BIBEL JAMITA NA DENGGAN

¹⁸ Jadi torus ma si Musa manangkok lopus masuk ia tu bagasan ombun i. Disi ma ia opat pulu ari opat pulu borngin honokna.

HARURUAR 24:18 Referans Kwoze

PANGARATAION 9:9

Manangkok au tu dolok i laho manjagit batu panyuratan ni parjanjian na nibaen ni Tuhan dohot hamu. Opat pulu ari opat pulu borngin lolotna au di ginjang dolok i nada mangan sanga minum.

PANGARATAION 10:10

“Opat pulu ari opat pulu borngin au di dolok i, songon na hubaen di na parjolo i. Ditangihon Tuhan dope au sanoli nari; jana Ia pe antong satuju ma nada pola pusaonNia be hamu.

HARURUAR 34:28

Disi ma si Musa rap dohot Tuhan opat pulu ari opat pulu borngin honokna, nada mangan nada minum jana disuratkon ia ma di batu i sude hata ni parjanjian i, i ma Parenta Na Sampulu ni Debata.

PANGARATAION 9:25

Gabe manungkap ma au di jolo ni Tuhan opat pulu ari opat pulu borngin, angke huboto do anggo Tuhan madung putus rohaNia laho mamusa hamu.

PANGARATAION 9:18

Dung i manungkap au sanoli nari di jolo ni Tuhan di puncut ni dolok i opat pulu ari opat pulu borngin lolotna, nada mangan nada minum. Hubaen pe songon i hara ni na dung mardosa do hamu maradopkon Tuhan jana muruk Ia dibaen hamu.

LUKAS 4:2

Diuji Sibolis i ma Ia disi opat pulu ari honokna. Nada mangan bagi aha Ia salolot disi. Jadi gabe male ma dihilala Ia.

MARKUS 1:13

Opat pulu ari ma Ia disi, diuji Sibolis i. Angka binatang riar pe adong do na rap dohot Ia disi, jana ro do angka surusuruan mangoloi Ia.

MATEUS 4:2

Opat pulu ari opat pulu borngin honokna nada mangan Jesus. Gabe male ma Ia.

1 RAJA-RAJA 19:8

Jadi ngot ma si Elia lalu mangan jana minum lopus margogo ia jana lobas ia mardalan opat pulu ari lolotna tu Sinai, dolok inganan ni Tuhan i.

HARURUAR 19:20

Mijur ma Tuhan di ambubu ni Dolok Sinai i jana dipiohon Ia ma si Musa anso ro tu puncut ni dolok i. Manangkok ma antong si Musa

HARURUAR 9:33

Ditinggalkon si Musa ma raja i jana kehe ma ia tu balian ni kota lalu diangkat ia tangannia laho martangiang tu Tuhan. Rap maradian ma ronggur, ambolas dohot udan.

HARURUAR 9:29

Didok si Musa ma tu raja i, “Disi haruar au sian kota on, angkatonku ma tanganku martangiang tu Tuhan. Mantak ma ronggur i, siang ma udan ambolas, anso diboto hamu, Debata do nampuna tano on.

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.

HARURUAR 25:1

Didok Tuhan ma tu si Musa,

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

1 RAJA-RAJA 19:11

“Ruar ma ho sian liang i,” ninna Tuhan tusia, “Jana jongjong ma ho adop Au di ginjang ni dolok i.” Jadi mamolus ma Tuhan sian i mardongan alogo na gogo situtu jabat mangkabola angka tor i jana mangkatapor angka dolok batu i, tapi nada dipataridahon Tuhan diriNa di bagasan alogo i. Dung so alogo i, ro ma lalo, tapi nada dipataridahon Tuhan diriNa di bagasan lalo i.

PANGARATAION 5:31

Tapi anggo ho, Musa, dison ma ho rap dohot Au, lehenonKu ma tu ho sude aturan dohot parentangKu. Angkon ajarkononmu do i tu bangso i anso dioloi halahi i di tano na giot silehenonKu tu halahi.’