HARURUAR 24:12 - BIBEL JAMITA NA DENGGAN

¹² Dung i ninna Tuhan i ma tu si Musa, “Dapotkon ma Au tu dolok on dompak dison ho, anso Hulehen tu ho dua batu parningotan na marisi sude uhum na Husurat songon pangajaran di bangso i.”

HARURUAR 24:12 Referans Kwoze

PANGARATAION 5:22

I ma angka parenta na nilehen ni Tuhan tu bangso na marlagut di dolok i. Di na mangkuling Ia mardongan sora na mangaronggur sian api dohot ombun dohot hagolapan i, disi ma Dilehen Ia angka parenta on, jana nada adong na asing Dilehen Ia. Lalu disuratkon Ia muse ma i di batu siduangkoping jana Dilehen Ia ma i tu au.”

HARURUAR 31:18

Dung sidung Debata manghatai dohot si Musa di Dolok Sinai, dilehen Ia ma tu si Musa batu panyuratan ni uhum ni Debata, batu sidua-dua na nisurat ni tangan ni Debata sandiri.

IBRANI 9:4

Di balik ni i adong do sada inganan na nibaen sian sere laho manutung hamonyan jana adong muse Poti Parjanjian na nilampis sudena dohot sere. Di bagasan poti i adong do sada mangkuk sere na marisi manna, tungkot ni si Harun na dung martunas dohot duangkoping batu tulis panyuratan ni Tona Na Sampulu i na sian Debata.

2 KORINTUS 3:3

Idaon ni halahi sandiri do i paboa na songon surat ni Kristus hamu na nisuratkon markite-hite hami. Nada dohot tinta dibaen surat i, tapi dohot Tondi Parbadia na mangolu i do; nada di ginjang ni batu tulis muse, tapi di ate-ate ni jolma do.

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

2 KORINTUS 3:7

Dompak na manotopkon parjanjian na mamatehon i dohot na manyuratkon i di batu, marsinondang do hagodangan ni Debata marnyala-nyala. Hara ni torangna jabat inda tartontang halak Israel be bohi ni si Musa, haru pe madung mamungka mondap nian sinondang i di hatiha i. Antong, salangkan pamungkaan ni parjanjian na mamatehon i dirasmihon dohot sinondang na songon i torangna,

PANGARATAION 4:14

Disuru Tuhan do au mangajarkon sude aturan sioloanmunu di tano na giot masuhan dohot siingananmunu i.”

HARURUAR 24:18

Jadi torus ma si Musa manangkok lopus masuk ia tu bagasan ombun i. Disi ma ia opat pulu ari opat pulu borngin honokna.

HARURUAR 24:15

Jadi manangkok ma si Musa tu Dolok Sinai i, ro muse ma ombun manggupgupisa.

HARURUAR 24:2

Sahalak pe nada tola padonok-donokkon tu Au asing sian ho sandiri. Tapi anggo halak na bahat i, hum manganangkohi dolok i pe nada tola.”

MATEUS 5:19

Hara ni i, sanga ise na mangalanggar sada sian angka Tona i, sanga na ummenekna i pe, dung i diajari ia muse halak na asing mambaen songon i, gabe na ummenek do sisongon i di bagasan Harajaan Ni Banua Ginjang. Tapi sabalikna, sanga ise na padalankon angka aturan i, dung i diajari ia muse halak na asing mambaen songon i, halak na godang do sisongon i di bagasan Harajaan Ni Banua Ginjang.

NEHEMIA 9:13

Mijur Ho sian langit di Dolok Sinai na badia, lalu mangkobari Ho dohot bangsoMu sandiri. Dilehen Ho uhum, aturan dohot sipaingot na tigor, na denggan dohot na bonar boti marguna.

ESRA 7:10

Madung dipasada si Esra rohania tu na manangkasi Tona Ni Tuhan, laho patuluskonsa lalu mangajarkon sude hatontuan dohot paraturanna i tu bangso Israel.

HARURUAR 34:1

Didok Tuhan ma tu si Musa, “Tuhil ma jolo dua batu sarupa dohot na parjolo i, giot suratonKu di batu i sude hata na adong di batu na parjolo na nitaporkonmi.

PANGARATAION 5:31

Tapi anggo ho, Musa, dison ma ho rap dohot Au, lehenonKu ma tu ho sude aturan dohot parentangKu. Angkon ajarkononmu do i tu bangso i anso dioloi halahi i di tano na giot silehenonKu tu halahi.’

1 RAJA-RAJA 19:11

“Ruar ma ho sian liang i,” ninna Tuhan tusia, “Jana jongjong ma ho adop Au di ginjang ni dolok i.” Jadi mamolus ma Tuhan sian i mardongan alogo na gogo situtu jabat mangkabola angka tor i jana mangkatapor angka dolok batu i, tapi nada dipataridahon Tuhan diriNa di bagasan alogo i. Dung so alogo i, ro ma lalo, tapi nada dipataridahon Tuhan diriNa di bagasan lalo i.

HARURUAR 19:3

tapi anggo si Musa kehe ma ia manangkok tu dolok i laho marsuo dohot Debata. Pio-pio ma Tuhan sian dolok i tu si Musa jana disuru paboa ia ma tu halak Israel, pomparan ni si Jakob i:

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

NEHEMIA 9:14

Angkon pestahonon ni halahi do Ari Sabat na badia, jana marhite si Musa dilehen Ho uhumMi.

MASMUR 19:12

O, Tuhan nada adong na umboto hasalaanna sandiri, antong palua ma au sian hasalaan na buni.