HARURUAR 23:25 - BIBEL JAMITA NA DENGGAN

²⁵ Muda disomba hamu Au, Tuhan Debatamunu, pasupasuonKu ma hamu pasingkop sipanganon dohot si inumonmunu, jana padaoonKu ma nyae sian hamu.

HARURUAR 23:25 Referans Kwoze

PANGARATAION 7:15

Jagohonon ni Tuhan do hamu sian sude nyae na masa, jana dipadao sian sude nyae na masa godang na niidamunu di Mesir, tapi dihonahon ma angka bala i tu angka musumunu.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

JOSUA 22:5

Jana ingot hamu ma! Sipatulusonmunu do uhum na nisuru ni si Musa oloanmunu, i ma: Haholongi ma Tuhan Debatamu, ihutkon ma giotNia, oloi ma angka parentaNa, setia ma ho, jana unduk ma ho mangoloi sian sude rohamu dohot sude tondimu.”

JESAYA 33:24

Sahalak pe nada adong na humolos di luatta hara ni nyae, jana sesaonNia ma sude dosanta.

MASMUR 103:3

Disesa Ia do sude dosamu, jana dipamalum sude nyaemu.

PANGARATAION 7:13

HaholonganNia jana pasupasuonNia ma hamu, anso mur mabahat bilanganmunu; pasupasuonNia angka ladangmunu, anso gabe haroroan ni gandum, anggur dohot miak zetun. PasupasuonNa ma hamu marhite lombu dohot biri-biri na bahat. Lehenon ni Tuhan ma sude pasupasu i tu hamu di tano na giot silehenonNia tu hamu hombar tu janjiNia dohot ompumunu.

PANGARATAION 10:12

“Saonnari hamu ale angka dongan sabangso, parate-atehon hamu ma na nituntut ni Tuhan Debatamunu sian hamu: Maribadat tu Tuhan ma hamu jana patulus hamu sandok na niparentahonNia. Haholongi hamu ma Ia, sian sandok rohamunu dohot tondimunu ma oloi hamu Ia,

PANGARATAION 6:13

Habiari ma Tuhan Debatamu jana mangoloi tuSia sajo ma ho jana janjimu pe di bagasan goarNia sajo ma baen.

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

1 SAMUEL 12:20

Gabe dialusi si Samuel ma, “Ulang hamu mabiar, haru pe na dung dibaen hamu hajahatan i, ulang ma hamu marbalik sian Tuhan, tapi sai tongtong ma hamu mangoloi tuSia sian sandok rohamunu.

PANGARATAION 10:20

Habiari hamu ma Tuhan Debatamunu, jana tuSia sajo ma hamu mangoloi. Sai hot ma hamu setia tuSia jana mangasahon goarNia ma baen hamu angka janjimunu.

JOSUA 24:21

Jadi mangalusi ma angka halak Israel i, “Nada! Indangkon na mangoloi hami anggo tu angka debata na asing. Hum tu Tuhan sajo do hami mangoloi!”

PANGARATAION 13:4

Angkon mate do halak na songon i, uhumonmunu, angke na giot mangaliluhon hamu do halakna i sian dalan na niparentahon ni Tuhan tu hamu. Halak na jahat do i na marsuru hamu mangalo tu Tuhan na dung paluahon hamu sian Mesir, ingananmunu di parhatobanan. Jadi angkon bunuon do i anso mago hajahatan i. Tapi angkon ihutkononmunu do Tuhan jana pasangaponmunu; oloi hamu ma Ia jana patulus hamu sude na niparentahonNia. Sai hot ma hamu tongtong marpangoloion jana burju tuSia.

1 SAMUEL 7:3

Dung i didok si Samuel ma tu halak Israel, “Muda na giot marbalik ma hamu tu Tuhan jana marsomba tuSia sian sandok rohamunu, angkon ambungkononmunu do sude debata na asing dohot patung ni Dewi Astoret i. Pasahat hamu dirimunu sude tu Tuhan jana hum tuSia sajo ma hamu marsomba, jadi gabe paluaonNa ma hamu sian halak Pilistin.”

JOSUA 24:24

Dung i didok angka halahi ma tu si Josua, “Hum Tuhan Debatanta i do na giot oloannami. Sai oloannami ma angka parentaNia.”

MALEAKI 3:10

Oban hamu ma parsampuluanmunu i tu BagasKu anso adong disi mardapot-dapot sipanganon. Uji hamu ma Au, jadi gabe idaonmunu ma Huungkap angka pintu ni banua ginjang jana pagukguhonKu sandok na denggan tu hamu, ninna Tuhan Na Markuaso.

JESAYA 33:16

Jadi gabe malua do hamu jana sonang, songon na tinggal di bagasan benteng na togu. Singkop do sipanganon dohot siinumon di hamu.

1 SAMUEL 12:24

Pasangap hamu ma Tuhan i jana mangoloi tuSia ma hamu di bagasan na tigor dohot sian sandok rohamunu. Ingot hamu ma angka pangalaho na godang na dung dibaen Ia di hamu.

JEREMIA 8:2

nada laho palaguton sanga tanomon mangulahi tapi padiaron do rerak di tano i songon rompak. Marserak ma angka holi-holi ni jolma i di las ni ari, di torang ni bulan dohot angka bintang na nihaholongan ni halahi, na nioloanna, na nisomba dohot pangidoan ni panogu-noguon ni halahi.

HAMALIMON 11:44

Au do Tuhan Debatamu, hara ni i jago ma anso tongtong badia hamu, angke na badia do Au.

HAMALIMON 26:3

Muda marpungu hamu mangihutkon angka aturan na sian Au jana dipatulus angka parentangKu,

PARJAMITA 5:20

Digohi Debata ma roha ni halakna i dohot hamogaan, jadi gabe nada sak rohania mamikirkon salaho tu pendek ni ngolu on.

DANIEL 1:15

Dung abis i, mur sumehat do halahi idaon jana mur gumogo sian sude doli-doli na mangan panganon sian meja ni raja i.