HARURUAR 23:19 - BIBEL JAMITA NA DENGGAN

¹⁹ Ganop taon angkon obanonmunu do tu Bagas Ni Tuhan Debatamunu eme patumonaan ni suha ni sabamunu. Ulang lompa hamu anak ni biri-biri sanga hambeng di bagasan susu ni indukna.”

HARURUAR 23:19 Referans Kwoze

HARURUAR 34:26

Na dumenggan sian patumonaan ni suha ni ememunu ganop taon angkon i do obanonmu tu Bagas Ni Tuhan. Ulang lompa hamu anak ni hambeng di bagasan susu ni indukna.”

PANGARATAION 14:21

Bangke ni binatang nada tola panganonmunu. Tapi anggo halak na asing na maringanan di tonga-tongamunu tola do i panganonna jana tola muse do i gadisonmunu tu halak na asing. Bangso ni Tuhan do hamu antong, na marhapunjungan di Debata. Nada tola lompaon anak ni biri-biri dohot hambeng di bagasan susu ni indukna.”

PANGARATAION 26:10

Jadi hara ni i, saonnari huhaulkon ma tu Tuhan patumonaan ni pandapotanku na nilehenNia tu au.’ Dung i baen ma ampang i disi di adopan ni Tuhan, jana marsomba ma ho tuSia.

NEHEMIA 10:35

Ganop taon obanonnami ma tu Bagas Ni Tuhan patumonaan ni suha ni gandum dohot parbatu na parjolo malamun sian suan-suanannami.

HARURUAR 22:29

Haulkon ma tu Au deba sian suha ni ememu, sian aek ni anggurmu, sian miak ni zetunmu muda mandapot hasil hamu. Pasahat ma tu Au angka dakdanakmunu siangkaan.

PANGARATAION 26:2

angkon ganop be do hamu paindingkon patumonaan ni suha na dapot hamu tu bagasan sada ampang, lalu oban hamu ma i tu inganan paribadatan na sada i na dung ditontuhon humani.

HALUMBAAN 14:4

Angka halak na manjagohon dirina do halahi, jana nada dipahodar halahi diri ni halahi markite-hite dadaboru; ias do halahi songon bujing-bujing. Dipaihut-ihut halahi do Anak Ni Biri-biri i sanga na tudia Ia kehe. Sian sudena jolma manusia, halahi ma na dung nipalua anso haulkononkon songon patumonaan ni haul tu Debata dohot tu Anak Ni Biri-biri i.

1 KORINTUS 15:20

Hape anggo satutuna madung dipangolu mangulahi Kristus sian hamatean, songon siangkaan sian angka halak na dung mate. Jana on ma jaminanna, paboa na pangoluon do mangulahi angka jolma na dung marmatean i.

JEREMIA 10:3

Saotik pe nada adong guna ni ugamo ni angka bangso i. Ditaba halahi hayu di harangan, jana dipatukangkon halahi ma i tu tukang hayu. Dikarejohon ia ma i gabe patung gana-ganaan;

PODA 12:10

Halak na denggan manghaholongi pahan-pahananna; halak na jahat mamparhancitisa.

PODA 3:9

Pasangap ma Tuhan marhite na manghaulkon na dumenggan sian suha ni tanomu tuSia,

HARURUAR 22:28

Ulang burai hamu Debata jana ulang pasumpahon pamimpin ni bangsomu.

BILANGAN 15:21

Ro di salolotna, roti na parjolo i angkon lehenonmunu gabe silehen-lehen na mardohonan tu Tuhan.

NEHEMIA 10:36

Obanonnami ma anaknami siangkaan tu angka malim di Bagas Ni Tuhan laho pasahatkonsa tu Debata, songon na diaturkon ni Uhum. Laing pasahatonnami ma anak ni lombu, anak ni biri-biri sanga anak ni hambengnami na parjolo sorang.

JEHESKIEL 44:30

Angkon bagian na dumenggan do lehenon di angka malim sian sude ragam ni suha patumonaan ni suan-suanan, dohot sian sandok na dihaulkon tu Au. Ganop mambaen roti bangso Israel, anggo roti na parjolo dibaen i bagian ni malim do i. Jadi gabe pasupasuonKu ma angka bagas ni bangso Israel.

JEHESKIEL 48:13

12,5 kilometer ginjang ni tano ni halak Levi i sian Habincaran tu Hasundutan, jana bidangna lima kilometer sian Utara tu Selatan jana satongtang do i dohot tano ni angka malim.

JEHESKIEL 48:14

Sanjongkal pe sian tano i nada tola gadison ni halahi sanga tukarkononna; tano na dumenggan sian tano Israel nada tola martukar i tu halak na asing, angke na dung ditontuhon do i gabe hapunjungan ni Tuhan jana gabe nampunaNia.