HARURUAR 23:13 - BIBEL JAMITA NA DENGGAN

¹³ Tangihon hamu ma sanga aha na Hudok tu hamu, Au sandiri Tuhan na mandok tu hamu. Ulang martangiang hamu tu angka debata na asing, hum mandok goarna pe indangkon.”

HARURUAR 23:13 Referans Kwoze

JOSUA 23:7

Jana ulang jabat margaul hamu sanoli on dohot angka jolma na sian bangso-bangso na tinggal i dope di tonga-tongamunu. Jana ulang muse dokkon-dokkon hamu goar ni angka debata ni halahi, sanga marsumpa mangasahon goarna i. Ulang marhaul sanga manyomba hamu tu angka debata i.

1 TIMOTEUS 4:16

Jagohon ma dirimu jana jagohon muse ma dohot pangajaranmu. Burju ma ho patuluskon i sudena, angke muda songon i, dipalua ho do dirimu sandiri bope angka halak na manangihon ho.

ZAKARIA 13:2

Di ari i, sesaonKu ma angka gana-ganaan i sian tano on, lopus nada adong be umpe sahalak marningotsa. SoadahononKu ma hagiot laho marsomba gana-ganaan. Sude jolma na mangoKu dirina panurirang, paorotonKu.

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

HOSEA 2:17

Dung i padaoonKu ma goar ni angka Baal sian pamanganmu gabe nada dokkonon be goar ni halahi.

PANGARATAION 12:3

Parrumpakkon hamu ma angka langgatan ni halahi jana ropuhi hamu angka tiang batu na nietong ni halahi keramat. Tutungi hamu ma angka na manggambarkon Asera debata ni halahi jana sarsarkon hamu ma angka patung ni halahi, lopus nada tarbaen be marsomba tu barang-barang i di inganan i.

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

EPESUS 5:15

Hara ni i, pamanat hamu ma dohot denggan pardalan ni ngolumunu. Ulang songon halak na oto ngolumunu, songon halak na marroha ma hamu.

JEREMIA 10:11

Hamu ale angka bangso, angkon paboaonmunu do tu halahi, sisegohonon do angka debata na so manompa langit dohot tano. Mago do halahi sian portibi on.)

MASMUR 16:4

Halak na manyomba debata sileban parohon mara tu dirina sandiri. Nada ra au marhaul tu debata sileban, bope hum mandok goar ni halahi.

JOSUA 23:11

Hara ni i, ingot hamu ma laho manghaholongi Tuhan Debatamunu.

JOSUA 22:5

Jana ingot hamu ma! Sipatulusonmunu do uhum na nisuru ni si Musa oloanmunu, i ma: Haholongi ma Tuhan Debatamu, ihutkon ma giotNia, oloi ma angka parentaNa, setia ma ho, jana unduk ma ho mangoloi sian sude rohamu dohot sude tondimu.”

EPESUS 5:12

Angke anggo angka na nibaen ni halahi di na buni, maila ma iba mangkobari i.)

MASMUR 39:1

Ning rohangku, “Manat-manat noma au di sibaenonku, jana nada be ra au mardosa di angka pandohanku. Nada ra au manghobari salolot donok halak parjahat i.”

PANGARATAION 4:15

“Di na mangkuling Tuhan tu hamu sian api i di Dolok Sinai, nada adong diligi hamu rupaNa. Jadi, anso padenggankon di hamu sandiri, patut ma ingotonmunu!

BILANGAN 32:38

Nebo, Baal-Meon (digonti do goar ni kota on dohot Sebam). Angka kota na nipauli ni halahi mangulahi digonti halahi dohot goar na imbaru.

HARURUAR 23:24

Ulang mangalompit tot hamu mangoloi angka debata ni halahi jana ulang tiru-tiru hamu cara ni halahi maribadat. Ropuki hamu ma sude angka debata ni halahi i jana ponggoli hamu angka tiang langgatan ni halahi i.

HARURUAR 23:32

Ulang baen hamu partahian sanga aha pe dohot halak i sanga dohot angka debata ni halahi.

PANGARATAION 4:23

Denggan ma paingot-ingot hamu! Ulang lupa hamu di parjanjian na nibaen ni Tuhan Debatamunu dohot hamu. Oloi hamu ma parentaNia; ulang baen hamu di hamu sandiri patung na gabe sisombaon sanga na bia pe rupana,

PANGARATAION 6:1

“Tuhan Debatamunu i do marsuru au mangajarkon sude aturan on tu hamu. Oloi hamu ma sudena i di tano na giot siingananmunu di na so pola lolot be.