HARURUAR 22:14 - BIBEL JAMITA NA DENGGAN

¹⁴ Muda adong sada halak na manginjam pahan-pahanan sian halak na asing, gabe mabugang sanga mate pahan-pahanan i dompak so disi nampunasa i, angkon dangdangan ni na manginjam i do i.

HARURUAR 22:14 Referans Kwoze

PANGARATAION 15:2

Songon on ma pambaenna. Ganop halak Israel na painjamkon hepeng tu dongan sabangsona, angkon sesaonna ma utang i. Tuhan sandiri do na manyesa utang i, jadi nada tola tungguonmunu be i.

HAMALIMON 24:18

Sanga ise mamunu pahan-pahanan ni halak na asing, angkon gontionnia. Ukuranna, i ma ‘hosa gonti ni hosa’.

HARURUAR 21:34

angkon dangdangan ni nampuna sumur i do pahan-pahanan na madabu i. Lehenonna ma hepeng dangdang i tu nampuna pahan-pahanan i jana tola do tahanonnia pahan-pahanan na dung mate i.

LUKAS 6:35

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

HARURUAR 22:11

Muda songon i pangalahona angkon kehe ia tu inganan paribadatan laho marsumpa mandok na so ia manangko pahan-pahanan na nipapahankon i tusia. Muda tutu do na so ditangko sanga ise pahan-pahanan i, nampuna i ma na mananggung harugian, jana nada pola manggarar bagi aha na marmahan i.

MATEUS 5:42

Muda adong halak na mangido bagi aha tu ho, lehen sajo ma songon i. Ulang pola tulak halak na giot manginjam sanga aha sian ho.”

MASMUR 37:21

Manginjam do halak parjahat tapi nada dipaulak, hape anggo halak na burju sai basa do jana ringgas mangalehen.

NEHEMIA 5:4

Jana adong muse dope na mandok, “Ma manginjam hepeng hami laho palunaskon pajak na nitontuhon ni raja, i ma pajak ni ladang dohot kobun anggurnami.

HARURUAR 22:13

Muda na hona soro ni binatang panyoro do pahan-pahanan i, angkon patidahonon ni na marmahankon i do teba-tebana i tu nampunasa i songon buktina; nada pola porlu gararannia dangdang ni pahan-pahanan na nisoro ni binatang panyoro i.

HARURUAR 22:15

Tapi muda topet do disi antong nampuna i, nada pola gararan ni na manginjam i dangdangna. Muda pahan-pahanan siongkosan do pahan-pahanan i, ongkosna i ma manutup harugian.”