HARURUAR 22:12 - BIBEL JAMITA NA DENGGAN

¹² Tapi muda na hona tangko do pahan-pahanan i, angkon dangdangan ni na marmahan i do i tu nampunasa i.

HARURUAR 22:12 Referans Kwoze

PAMUNGKAAN 31:39

Ganop dipangan binatang panyoro sian pahan-pahananmi, matua laing na au ma manggonti harugianmu. Nada unjung huoban tu jolomu pahan-pahanan i gabe songon bukti paboa na so marsala au. Dituntut ho do sian au anso hugarari sandok na nitangko ni halak arian sanga borngin.

HARURUAR 22:7

Sanga ise na pasimpankon hepeng sanga barang sigodang arga tu donganna, hape ro panangko mambuat barang i sian bagasnia; jadi muda tardapot, angkon gararan ni panangko i dua noli lompit.

HARURUAR 22:11

Muda songon i pangalahona angkon kehe ia tu inganan paribadatan laho marsumpa mandok na so ia manangko pahan-pahanan na nipapahankon i tusia. Muda tutu do na so ditangko sanga ise pahan-pahanan i, nampuna i ma na mananggung harugian, jana nada pola manggarar bagi aha na marmahan i.

HARURUAR 22:13

Muda na hona soro ni binatang panyoro do pahan-pahanan i, angkon patidahonon ni na marmahankon i do teba-tebana i tu nampunasa i songon buktina; nada pola porlu gararannia dangdang ni pahan-pahanan na nisoro ni binatang panyoro i.