HARURUAR 22:11 - BIBEL JAMITA NA DENGGAN

¹¹ Muda songon i pangalahona angkon kehe ia tu inganan paribadatan laho marsumpa mandok na so ia manangko pahan-pahanan na nipapahankon i tusia. Muda tutu do na so ditangko sanga ise pahan-pahanan i, nampuna i ma na mananggung harugian, jana nada pola manggarar bagi aha na marmahan i.

HARURUAR 22:11 Referans Kwoze

IBRANI 6:16

Harana anggo jolma, marsumpa do i marhite halak na gumodang sian ia. Jadi sumpa i ma hasidungan ni sude parbadaan jana pate ma i di halahi.

PODA 30:9

Harana, muda ompot kayo au, betak na gabe dokkononku do, na so porlu Ho di au. Jana muda marpogos au, betak na manangko ma au, jadi gabe hodar goarMu.”

HAMALIMON 5:1

Sada-sada halak madung tontu marsala jana angkon tanggungonnia sandiri hara ni karejonia, muda dipangido hatorangan na tangkas di jolo ni pangadilan, hape nada ra ia patorangkon taringot tu angka na niida dohot na nibegenia.

HARURUAR 23:1

“Ulang hata-hatahon hamu angka carito gabus jana ulang urupi hamu halak na sala, jadi gabe saksi pargabus hamu.

HARURUAR 22:8

Tapi anggo so tarboto do sanga ise na manangko i, angkon obanon ma halak na manyimpan angka barang sigodang arga i tu inganan paribadatan, jana angkon disumpahon ia disi paboa na so ia manangko barang na nipasimpankon i disia.

HARURUAR 22:10

Sanga ise na papahankon tu donganna sada halode, lombu, biri-biri sanga pahan-pahanan ni halak na asing, hape gabe mate pahan-pahanan i, sanga mabugang, sanga dioban halak pangarampas na ro mangaroro, hape nada adong sanga ise saksina.

HARURUAR 22:12

Tapi muda na hona tangko do pahan-pahanan i, angkon dangdangan ni na marmahan i do i tu nampunasa i.

PARJAMITA 8:2

Patutna do muda raja mangalehen parenta, jana ulang mopop mambaen janji tu Debata.