HARURUAR 21:6 - BIBEL JAMITA NA DENGGAN

⁶ jadi angkon obanon ni tuanna i do ia tu inganan paribadatan. Dung lalu disi, angkon suruon ni tuanna i ma ia jongjong markusande di pintu sanga di tiang ni pintu ni inganan paribadatan i jana ditura ia ma pinggolna i. Gabe hatobannia noma i salolot mangolu.

HARURUAR 21:6 Referans Kwoze

PANGARATAION 15:17

jadi angkon obanonmunu do halakna i tu pintu ni bagasmunu. Di inganan i ma, angkon lubangonmu pinggolna i, jadi gabe hatobanmu ma ia salolot di ngoluna. Angkon laing sarupa do baenonmunu tu hatobanmunu dadaboru.

HAMALIMON 25:40

Tinggal ma ia rap dohot hamu songon sada halak upaan, markarejo ma ia di hamu lopus tu taon haluaan.

1 SAMUEL 28:2

Dialusi si Daud ma, “Tontu songon i ma antong i. Idaon ni tuan i sandiri ma i sanga aha na tarbaen au tu tuan i.” Dung i didok si Akhis ma, “Antong denggan! Huangkat ma ho gabe pangawalku.”

ZEPANYA 3:3

Songon singa na marngaur-ngaur do angka pamimpin ni kota i. Angka hakimna pe songon angka sorigala na malean do; santak do lahap ni halahi, sada holi-holi pe nada adong na tading tu ancogot ni halahi.

1 RAJA-RAJA 12:7

Dialusi halahi ma, “Anggo na situtu ni raja i do na giot manjalahi hasonangan ni rayat i, dilehen raja i ma da antong, alus na pasonangkon roha ni halahi. Gabe tunduk do halahi baenon ni i tu raja i.”

1 SAMUEL 27:12

Tapi pos do roha ni si Akhis di si Daud jana didok ia di bagasan rohania, “Songon i ma antong santakna goyak ni roha ni bangsonia sandiri tusia, lopus tarpaksa gabe naposongku ia sapanjang di ngolunia.”

1 SAMUEL 1:22

Tapi anggo sanoli on nada dohot si Hanna. Didok ia tu halaklahinia i, “Disi mantak managuk si Samuel taruhononku ma tu Bagas Ni Tuhan, jana disi ma ia maringanan salolot mangolu.”

PANGARATAION 16:18

“Di ganop kota na nilehen ni Tuhan Debatamunu tu hamu angkon angkatonmunu do panguhum dohot angka parkarejo na asing laho manguhumi rayat i di bagasan na sintong.

PANGARATAION 1:16

Hubaen do di hatiha i karejo ni halahi songon on, ‘Parrohahon hamu ma angka salisi na masa di tonga-tonga ni bangsomunu. Baen hamu ma haputusan na tigor, sanga na mardomu tu bangsomunu sajo parkaro i bope na mardais tu halak na asing na tinggal rap dohot hamu.

HAMALIMON 25:23

Nada tola gadisonmu tanomu lalu manalduskon hakmu sian i, angke nada ho nampuna tano i. Tuhan Debatamu do nampunasa. Songon sada halak na dung dapotan isin do hamu mangkarejohon tano i.

HARURUAR 22:28

Ulang burai hamu Debata jana ulang pasumpahon pamimpin ni bangsomu.

HARURUAR 21:22

Muda adong halak na marbadai, jana tartondong sada halak ma ina-ina na denggan pamatangna gabe haambungan ia, tapi nada pola adong na asing na hancitnia; angkon gararan ni na manondong i do dangdangna sanga sadia dituntut halaklahi ni dadaboru i dung jolo satuju angka hakim.

HARURUAR 12:12

Di borngin i bolusanKu ma sude tano Mesir, jana bunuonKu ma sude anak halaklahi siangkaan, bope di jolma bope di pahan-pahanan. UhumanKu ma sude sombaon na di Mesir, angke Au do Tuhan.

JESAYA 1:26

LehenonKu ma angka pamimpin dohot angka na mangalehen sipaingot mangulahi songon najolo. Jadi gabe goaran ma Jerusalem kota na tigor dohot na burju.”

HARURUAR 21:5

Tapi sugari sura didok hatoban i na holong rohania di tuannia i dohot di dadaborunia maradu tu dakdanaknia jana nada ra ia dipalua,

HARURUAR 21:7

Muda adong sanga na ise na manggadis boruna gabe hatoban, nada paluaon i haru pe na dung onom taon, songon na masa tu hatoban halaklahi.

PANGARATAION 15:16

Tapi muda nada ra hatobanmi kehe, hara ni na holong rohania di hamu sabagas jana sonang rohania rap dohot hamu,

MASMUR 82:1

Diuluhon Debata do rapot hadebataon di banua ginjang, lalu dilehen Ia haputusanNia: