HARURUAR 21:29 - BIBEL JAMITA NA DENGGAN

²⁹ Tapi umpamana, na somal mandogo-dogo jolma do giot ni sada lombu jantan. Madung dipaingot nampunasa i, hape laing nada dihandangkon ia lombunia i. Jadi ampot didogo-dogo lombu i halak lopus mate, angkon nidangguran do lombu i dohot batu lopus mate dohot nampunasa i pe angkon laing dohot mate niuhuman.

HARURUAR 21:29 Referans Kwoze

PAMUNGKAAN 9:5

Muda adong sanga ise na mambuat hosa ni jolma, uhumon do i. MatehononKu do sandok binatang na mambuat hosa ni jolma.

HARURUAR 21:28

“Muda adong lombu jantan mandogo-dogo halak, gabe mate na hona dogo i, angkon nidangguran lombu i dohot batu lopus mate, jana nada tola panganon juhutna i, tapi anggo nampuna lombu i nada pola uhuman.

HARURUAR 21:30

Tapi tola do nampuna lombu i mangalehen dangdang songon tobus ni hosania, tapi angkon gararonnia ma sanga sadia bahat ni hepeng na nituntut tusia.

HARURUAR 21:36

Tapi anggo na dung tarboto hian do na somal mandogo lombu i, hape nada dihandangkon nampuna i, angkon gararonnia do dangdangna sada lombu jantan na mangolu jana tola disia lombu na mate i.”