HARURUAR 21:14 - BIBEL JAMITA NA DENGGAN

¹⁴ Tapi muda adong sanga ise na mangamuk jana na sangajo mamunu halak na asing, angkon nimatehon do i, haru pe na dung lari ia tu langgatanKu laho palua dirina.

HARURUAR 21:14 Referans Kwoze

IBRANI 10:26

Harana anggo dung dipasahat do tu hita jamita na sian Debata, hape laing tapupu do tasangajo mambaen dosa, gabe nada adong sada haul pe na tarbaen manyesa dosanta.

2 PETRUS 2:10

lumobi ma i angka jolma na mangoloi angka hagiot na pahodarkon dirina, jana mangincahi harajaan ni Tuhan i. Puluk-puluk do angka guru pargabus i jana ginjang-ginjang do roha ni halahi; nada pola alang roha ni halahi mangalayasi Na Sangap i.

MASMUR 19:13

Padao ma au sian dosa na nisangajo, ulang padiar au dikuasoi. Jadi gabe jolma na sun denggan ma iba, jana malua sian hajahatan ni dosa.

2 RAJA-RAJA 11:15

Didok si Joyada tu angka parpangkat i, “Oban hamu ma ia tu ruar mamolus sian antara ni barisan ni pangawal i, jana bunu sanga ise na giot paluahon ia.” Nada giot si Joyada dibunu di Bagas Ni Debata si Atalia.

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

PANGARATAION 27:24

‘Bura ni Debata ma di halak sibunu jolma di na buni.’ Dung i sude ma bangso i mandok: ‘I ma tutu!’

PANGARATAION 18:22

Muda manghobari sada panurirang mamake goar ni Tuhan, hape nada tulus masa na nidoknia i, nada sian Tuhan ro tona i. Sian goarna sandiri do manghobari panurirang i, jana ulang pola mabiar hamu tusi.”

PANGARATAION 1:43

Hupalalu do tu hamu sanga aha na nidok ni Tuhan i, hape nada parduli hamu. Mangalo do hamu tu Tuhan, jana pateal-tealkon ma hamu marbaris laho kehe tu luat partoran i.

HARURUAR 21:15

Sanga ise na mamukul amangna sanga inangna, angkon mate niuhuman.

BILANGAN 35:16

Tapi muda adong sada halak na mamake sinjata bosi, sanga batu sanga hayu pe mamunu halak na asing, madung sala halakna i hara ni na mamunu, ia pe angkon mate uhumon.

PODA 28:17

Halak na mamunu jolma, na mangkojar hamatean do i, ulang ma adong na manolong ia.