HARURUAR 21:1 - BIBEL JAMITA NA DENGGAN

¹ Jadi didok Tuhan ma tu si Musa, “Pasahat ma tu halak Israel angka aturan on:

HARURUAR 21:1 Referans Kwoze

PANGARATAION 4:14

Disuru Tuhan do au mangajarkon sude aturan sioloanmunu di tano na giot masuhan dohot siingananmunu i.”

PANGARATAION 6:20

Di pudian ni ari sapa-sapa ma angka dakdanakmu tu ho, ‘Biasi disuru Tuhan Debatanta hita mangoloi sude angka aturan on?’

1 TESSALONIKA 4:1

Dung i muse ale angka dongan, ihutkon hamu ma pangajaran na nijagitmunu sian hami sanga bia na patut ngolumunu laho pasonangkon roha ni Debata. Tutu nian saonnari pe madung songon i ngolumunu. Tapi saonnari mangasahon kuaso ni Tuhan Jesus gomos hami pangido jana hami sosoi hamu anso mur marsitutu hamu mangkaburjuhon i!

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

MALEAKI 4:4

Ingot hamu ma angka Tona na niajarkon ni naposongKu si Musa, ingot hamu ma angka aturan dohot angka parenta na Hulehen tusia di Dolok Sinai na gabe sioloan ni sandok halak Israel.

JEHESKIEL 20:25

Dung i Hulehen ma tu halahi uhum na so denggan dohot angka parenta na so margogo mangalehen ngolu.

JEHESKIEL 20:11

Disi ma Hulehen tu halahi angka parentangKu jana Huajarkon angka tona na sian Au sioloan ni halahi, angke mangolu do tongtong sanga ise na patuluskonsa.

MASMUR 147:19

Dipabolkas Ia tonaNia tu bangsoNia, hatontuan dohot angka parenta tu bangso na nipiliNia.

NEHEMIA 10:29

Hami sude pasadahon dirinami dohot angka pamimpinnami jana hami sumpahon anso mangolu hami mangihutkon Uhum Ni Debata na nilehenna i marhite si Musa, naposoNa i. Sai diburai Debata ma hami muda nada hami patulus parjanjian on. Hami sumpahon ma na giot oloannami sandok parenta, uhum dohot paraturan ni Tuhan, Debatanami.

2 JUJUR TAON 19:10

Muda adong sian angka donganmunu na pasahatkon tu hamu sian kota na asing sada parkaro na mamunu jolma, na mangalanggar uhum sanga na mangalanggar parenta ni Tuhan, ulang so lehenonmunu panogu-noguon tu halahi. Jadi muda songon i do, nada marsala be halahi tu Tuhan, jana nada muruk be Tuhan tu hamu bope tu halahi. Patulus hamu ma parenta on, jadi nada marsala be hamu disi.

1 RAJA-RAJA 6:12

“Muda burju ho patulus uhum dohot parentangKu, baenonKu do tu ho sanga aha na dung Hujanjihon tu amangmu si Daud.

PANGARATAION 6:1

“Tuhan Debatamunu i do marsuru au mangajarkon sude aturan on tu hamu. Oloi hamu ma sudena i di tano na giot siingananmunu di na so pola lolot be.

PANGARATAION 5:31

Tapi anggo ho, Musa, dison ma ho rap dohot Au, lehenonKu ma tu ho sude aturan dohot parentangKu. Angkon ajarkononmu do i tu bangso i anso dioloi halahi i di tano na giot silehenonKu tu halahi.’

PANGARATAION 5:1

Dipalagut si Musa ma sude bangso Israel jana didok ia ma tu halahi, “Dongan sabangso, tangihon hamu ma sude aturan na giot silehenonku tu hamu sadari on. Parsiajari hamu ma angka aturan i jana haburjuhon hamu ma mangoloisa.

PANGARATAION 4:45

Dilehen ia angka aturan tu halahi dung haruar halahi sian Mesir,

PANGARATAION 4:8

Angka bangso na asing sanga na bia pe godangna, nada adong aturanna na songon tigor ni angka aturan na huajarkon tu hamu sadari on.

PANGARATAION 4:5

Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.

BILANGAN 36:13

On ma angka aturan dohot hatontuan na nilehen ni Tuhan tu halak Israel marhite si Musa dompak maradian halak Israel di tano na hornop na di Moab mardonokkon Batang aek Jordan paadop-adop dohot Jeriko.

BILANGAN 35:24

Di bagasan parkaro na songon i angkon rapot godang do na mandabu uhum tu na mambaen mate i, nada sisolkot ni na mate i na giot mambaloskon.

HAMALIMON 20:22

Didok Tuhan ma: “Ihutkon hamu ma sude aturan dohot parentangKu anso ulang Huusir hamu sian tano Kanaan, i ma inganan na giot tusi obanonKu hamu.

HAMALIMON 19:37

Ihutkon ma sude aturan dohot parentangKu, Au do Tuhan.”

HAMALIMON 18:5

Karejohon ma angka aturan bope angka uhum na dung Hulehen di ho. Muda dibaen hamu songon i, malua ma ho. Au do Tuhan.”

HARURUAR 19:7

Jadi manuat ma si Musa jana dipiohon ia ma angka pamimpin ni bangso i marlagut laho paboahon tu halahi sandok na niparentahon ni Tuhan i tusia.

PANGARATAION 15:12

“Muda adong donganmunu halak Ibrani, halaklahi sanga dadaboru na targadis sanga na pagadiskon dirina songon hatoban tu hamu, tola ma oloannia hamu onom taon lolotna, jana dung salpu i di taon na papituhon angkon padiaronmunu do ia kehe.