HARURUAR 20:19 - BIBEL JAMITA NA DENGGAN

¹⁹ Didok halahi ma tu si Musa, “Ho sajo ma mandok hata tu hami, hami bege pe; tapi ulang ma Debata na mandok hata tu hami, naron gabe mate hami.”

HARURUAR 20:19 Referans Kwoze

PANGARATAION 18:16

Di ari i, dompak na marlagut hamu di Dolok Sinai, dipangidohon hamu anso ulang be nian dibege hamu mangulahi Tuhan mangkuling, jana ulang diida hamu haroroNia di bagasan api na marjilam-jilam, hara ni biarmunu mate.

BAENON NI ANGKA RASUL 7:38

Laing si Musa do na gabe panonga-nongai sian bangso Israel di parkorsihan i, maradopkon surusuruan na mangkatai tusia di Dolok Sinai bope tu ompunta i. Ia do na manjagit hata hangoluan sian Debata sipabolkason tu hita.

GALATIA 3:19

Anggo songon i do hape, aha do gunana nilehen Tona i? Anggo alus ni i, songon on do: Songon tamba-tamba do Tona i dilehen laho patuduhon tu jolma sanga aha na margoar dosa. Intap ni haroro ni sahalak sian pomparan ni si Abraham sajo do mardalan anggo Tona i, i ma na dipaboa hian di bagasan janji ni Debata tu si Abraham i. Na nipasahat ni angka surusuruan do Tona i tu jolma markite-hite sada halak.

HARURUAR 33:20

Laing didok Ia dope, “Anggo bohingKu nada Hupatola ligionmu, angke nada adong na tarbaen mangolu sanga ise na marnida bohingKu.

PANGARATAION 5:5

Jongjong do au di hatiha i di antaramunu dohot Tuhan laho palaluhon tu hamu sanga aha na nidok ni Tuhan, angke mabiar do hamu tu api i jana nada ra hamu manganangkohi dolok i.

PAMUNGKAAN 32:30

Jadi didok si Jakob ma, “Madung marsuo bohi au dohot Debata, hape laing mangolu dope au.” Jadi dibaen ia goar ni inganan i, Peniel.

IBRANI 12:19

saringar ni sarune dohot sora na lobi gogo. Di na nibege ni halak Israel sora i, gogo do pangidoan ni halahi anso ulang be nian mangkuling sora i tu halahi.

PAMUNGKAAN 3:10

Dialusi halaklahi i ma, “Mabiar do au dung hubege Ho ro tu kobun on gabe martabuni au, angke marsaemara do au.”