HARURUAR 20:13 - BIBEL JAMITA NA DENGGAN

¹³ Ulang mamunu.

HARURUAR 20:13 Referans Kwoze

SURAT NI SI PAULUS TU PARLAGUTAN ROM 13:9

Angke adong do tarsurat: Ulang markarosuan; ulang mamunu jolma; ulang manangko; ulang impol rohamu di sanga aha pe nampuna ni halak na asing; sudena i bope dohot angka aturan na asing i, nirahut do gabe sada aturan sajo, i ma na mandok, “Haholongi ma donganmu jolma songon pangkaholongimu di dirimu sandiri.”

PANGARATAION 5:17

Ulang mamunu.

HARURUAR 21:14

Tapi muda adong sanga ise na mangamuk jana na sangajo mamunu halak na asing, angkon nimatehon do i, haru pe na dung lari ia tu langgatanKu laho palua dirina.

JAKOBUS 2:11

Angke Ia do na mandok, “Ulang ho markarosuan,” laing Ia muse do na mandok, “Ulang ho mamunu.” Jadi muda nada markarosuan ho, hape mamunu jolma, laing na mangalanggar Tona i do hamu disi.

MATEUS 19:18

“Parenta na dia ma i?” ning bayo i manyapai. Dialusi Jesus ma, “Ulang ho mamunu, ulang ho markarosuan, ulang ho manangko; ulang ho margabus.

HAMALIMON 24:21

Sanga ise mamunu pahan-pahanan angkon digonti ia, tapi muda na mamunu jolma, angkon mate uhumon.

HARURUAR 21:20

Sanga ise na mamukul hatobanna halaklahi sanga dadaboru jabat manigor mate satongkin i, angkon niuhuman do halakna i.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

1 TIMOTEUS 1:9

Angkon laing ingoton do, dibaen pe angka Tona ni ugamo i, nada na giot di halak na burju, tapi na giot tu halak pangalanggar Tona do i, tu angka na jahat, tu halak na so mananda Tuhan, tu halak pardosa, tu halak na so marugamo, tu parroha portibi, tu halak sibunu simatobangna, tu angka sibunu jolma,

JESAYA 26:21

Na giot mijur ma Tuhan sian ingananNa di banua ginjang laho manguhumi pangisi ni tano on hara ni dosa ni halahi. PatorangonNa ma sude pamunuon na nibaen ni halahi di na buni. Nada tutup-tutupan ni tano i be angka na mate hona bunu i.

GALATIA 5:21

gutgut; marmabuk-mabuk, marpesta-pesta dohot angka na asing. Salaho tusi sudena, hupaingot ma hamu songon sipaingotku na parjolo i, anggo halak sisongon i nada maruli tean-teanan i sian Harajaan Ni Debata.

PODA 1:18

hape anggo angka halak na jahat i, suhar-suhar ni i do. Dihuar halahi do lubang, jana halahi sandiri do na runcur tu bagasan lubang i.

PODA 1:11

Sugari sura didok halahi, “Beta tajalahi ma jolma jana tabunu. Beta ma marjop ni roha hita marhite na manyaroso halak na so marsala.

BAENON NI ANGKA RASUL 28:4

Jadi dung diida halak pulo i laing gantung ulok i di tangannia, marsidokkon hatana ma halahi sama halahi, “Tontu sibunu jolma do bayo on, harana haru pe na dung malua ia sian parmaraan na di laut i, nada dipaloas Dewi Hasintongan i ia mangolu,” ninna halahi.

JEREMIA 26:15

Tapi ingot hamu ma, muda dibunu hamu au, hamu noma dohot halak kota on mananggung hasalaan hara ni pamunuon maradopkon halak na so marsala. Angke Tuhan do na marsuru au laho palaluhon sipaingot i tu hamu.”

2 RAJA-RAJA 21:16

Na lobi bahat do dibunu si Manase halak na so marsala jabat do durus mudar sap di Jerusalem. I ma dosa na nibaennia tamba ni na mambaen halak Juda gabe mardosa tu Tuhan hara ni na mamele gana-ganaan.

HARURUAR 21:29

Tapi umpamana, na somal mandogo-dogo jolma do giot ni sada lombu jantan. Madung dipaingot nampunasa i, hape laing nada dihandangkon ia lombunia i. Jadi ampot didogo-dogo lombu i halak lopus mate, angkon nidangguran do lombu i dohot batu lopus mate dohot nampunasa i pe angkon laing dohot mate niuhuman.

MARKUS 10:19

Tontu diboto ho do tona ni Debata na mandok, ‘Ulang ho mamunu, ulang markarosuan, ulang manangko, ulang margabus, ulang paoto-otohon, pasangap ma amangmu dohot inangmu!’ ”

LUKAS 18:20

Madung diboto ho sude parenta ni Debata i: ‘Ulang ho markarosuan; ulang ho mamunu; ulang ho manangko; ulang ho margabus mangalo donganmu; jana pasangap ma amangmu dohot inangmu.’ ”

HARURUAR 21:12

“Sanga ise na mamukuli halak jana mate, angkon mate niuhum.

HARURUAR 23:7

Ulang nibaen-baen hata na so tutu tu halak, jana ulang nidabu uhum mamatehon halak na so marsala, harana hona bura do baenonKu sanga ise na mambaen hajahatan na songon i.

HAMALIMON 24:17

Sanga ise mamunu halak na asing, angkon mate hona uhum.

BAENON NI ANGKA RASUL 16:28

Hape marsurak ma si Paulus sagogonia, “Ulang hahua dirimu! Dison do hami sudena!” ning ia.