HARURUAR 19:9 - BIBEL JAMITA NA DENGGAN

⁹ Didokkon Tuhan ma tu si Musa, “Ro ma Au mandapotkon ho di bagasan ombun na hapal, anso dibege angka jolma i mandok hata Au tu ho, jana mamungka sian on, porsaya noma halahi tu ho.” Laing dipalalu si Musa muse ma antong alus ni bangso i,

HARURUAR 19:9 Referans Kwoze

PANGARATAION 4:36

Sian langit, dipatubegehon Ia do soraNia tu hamu laho mangajari hamu; di tano on, madung dipatidahon Ia tu hamu apiNia na badia, jana sian api i pe mangkobari do Ia tu hamu.

HARURUAR 19:16

Di ari patoluhon, ro ma ronggur dohot hilap. Tarida ma ombun na hapal di ginjang ni dolok i jana habegean ma sora ni sarune na lobi gogo. Humitir ma sude halak na di bandar hara ni biarna.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MASMUR 97:2

Ombun dohot hagolapan manggupgupi Ia, hatigoran dohot uhum do ojahan ni pangarajaionNia.

HARURUAR 20:21

Tapi anggo angka jolma i laing mandao-dao do jongjong, jana hum sasada si Musa sajo do na mandonohi ombun na golap i di inganan parmianan ni Debata.

HARURUAR 14:31

Dung diida halak Israel ditaluhon Tuhan halak Mesir i markite-hite kuaso na godang, tarhalomong ma halahi tu Tuhan. Porsaya ma halahi tuSia dohot tu si Musa naposoNa i.

HALUMBAAN 1:7

Ligi da, na ro ma Ia dihaliangi ombun! Idaon ni sude halak ma Ia, dohot halahi na maniham Ia. Mangangguhi ma sasudena bangso na di tano on manangisi dirina be hara ni Ia. Olo, tutu do na songon i! Amen!

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

MARKUS 9:7

Dung i ro ma ombun mangkolipi halahi, jana tarbege muse ma sora sian ombun i mandok, “On ma AnakKu, na Huhaholongi, tangihon ma Ia!”

JESAYA 19:1

On ma tona salaho tu Mesir. Ro do Tuhan tu Mesir manengget ombun na hipas. Humitir ma angka gana-ganaan ni Mesir di joloNia jana menek ma roha ni halak Mesir marnidasa.

JESAYA 7:9

Samaria i ma kota sabungan ni Efraim, anak ni si Remalya ma rajana. Muda nada porsaya hamu, bagi na bia pe nada martahan hamu.”

2 JUJUR TAON 20:20

Ancogotna i sogot sajo dope, ruar ma rayat i jana kehe ma halahi tu luat halongonan na di lambung ni Tekoa. Di na laho kehe halahi, jolo didok si Josafat ma sipaingot songon on, “Hamu angka rayat ni Juda dohot Jerusalem! Porsaya ma hamu tu Tuhan Debatamu, gabe margogo ma hamu martahan. Jagit hamu ma angka sipaingot sian panurirangmunu, gabe manjadi ma hamu!”

2 JUJUR TAON 6:1

Dung i martangiang ma Raja Salomo, “Tuhan, jumop do rohaMu maringanan di hagolapan ni ombun.

1 RAJA-RAJA 8:12

Gabe martangiang ma si Salomo, ninna ma, “Ho do na mambaen mataniari di langit, ale Tuhan. Tapi jopan do rohaMu tinggal di ombun na golap.

HARURUAR 4:5

Ninna Debata ma, “Baen ma songon i mambuktihon tu halak Israel bahaso Au do, Tuhan Debata ni ompu ni halahi, Debata ni si Abraham, si Ishak dohot si Jakob na dung ro manopot ho.”

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

HARURUAR 34:5

Mijur ma Tuhan di bagasan ombun, lalu jongjong di jolo ni si Musa jana digoari Ia ma goarNia na badia i, i ma Tuhan.

BILANGAN 12:5

dung i mijur ma Tuhan di bagasan sada ombun na ginjang songon tiang. Jongjong ma Tuhan i di pintu ni Bandar Parmianan pio-pio, “Harun! Miryam!” Manigor mangalangka ma halahi na dua tu jolo,

MASMUR 99:7

Sian tiang ombun mangkuling Ia tu halahi, dioloi halahi do sude parentaNia i.

PANGARATAION 4:10

taringot tu ari i di na jongjong hamu di adopan ni haroan ni Tuhan Debatamunu di Dolok Sinai. Didok Ia do di hatiha i tu au, ‘Palagut ma bangso i. GiotKu anso ditangihon hamu sanga aha na giot sidokkononKu, anso marsiajar halahi marpangoloion tu Au sapanjang mangolu halahi jana anso diajari halahi angka dakdanak ni halahi marpangoloion tu Au.’