HARURUAR 19:8 - BIBEL JAMITA NA DENGGAN

⁸ Jadi rap mangalusi ma sude bangso i, “Patulusonnami ma sude na nidok ni Tuhan i,” ning halahi mangalusi. Jana dipalalu si Musa ma alus on tu Tuhan.

HARURUAR 19:8 Referans Kwoze

HARURUAR 24:7

Dung i dibuat si Musa ma buku parjanjian panyuratan ni angka parenta ni Tuhan i, jana disise ia ma i gogo di jolo ni bangso i. Didok halahi ma, “Oloannami ma Tuhan i, jana patulusonnami ma sandok na niparentahonNia.”

HARURUAR 24:3

Jadi kehe ma si Musa jana dipabotohon ia ma tu bangso i sude parenta dohot aturan na nilehen ni Tuhan i. Rap mangalusi ma rayat i sanoli mandok, “Patulusonnami ma sude na nidok ni Tuhan i.”

NEHEMIA 10:29

Hami sude pasadahon dirinami dohot angka pamimpinnami jana hami sumpahon anso mangolu hami mangihutkon Uhum Ni Debata na nilehenna i marhite si Musa, naposoNa i. Sai diburai Debata ma hami muda nada hami patulus parjanjian on. Hami sumpahon ma na giot oloannami sandok parenta, uhum dohot paraturan ni Tuhan, Debatanami.

JOSUA 24:24

Dung i didok angka halahi ma tu si Josua, “Hum Tuhan Debatanta i do na giot oloannami. Sai oloannami ma angka parentaNia.”

HARURUAR 20:19

Didok halahi ma tu si Musa, “Ho sajo ma mandok hata tu hami, hami bege pe; tapi ulang ma Debata na mandok hata tu hami, naron gabe mate hami.”

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

JOSUA 24:21

Jadi mangalusi ma angka halak Israel i, “Nada! Indangkon na mangoloi hami anggo tu angka debata na asing. Hum tu Tuhan sajo do hami mangoloi!”