HARURUAR 19:6 - BIBEL JAMITA NA DENGGAN

⁶ tapi hamu ma na gabe songon malim na mangoloi Raja i, bangso na badia. On do angka hata sidohononmu tu angka halak Israel.”

HARURUAR 19:6 Referans Kwoze

HALUMBAAN 5:10

Madung dibaen Ho halahi gabe sada bangso pinompar ni raja, anso laing gabe malim muse ma halahi na mangoloi Debatanta, jana mamarenta di ginjang ni tano on.”

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.

HALUMBAAN 1:6

Madung dibaen Ia do hita gabe sada harajaan anso laing gabe malim hita na markarejo di Debata AmaNa i. DiSia ma hasangapan dohot kuaso ro disalolot ni lolotna. Amen!

PANGARATAION 7:6

Baen hamu ma sudena i, dibaen bangso na badia di Tuhan Debatamu do hamu. Sian sasude bangso na di sisik ni tano on, hamu do na nipiliNia na gabe bangso hapunjunganNia.

PANGARATAION 28:9

Muda dioloi ho Tuhan Debatamunu jana dipatulus ho sude parentaNia, baenonNa ma ho gabe bangsoNa sandiri, songon na nijanjihonNa i.

JESAYA 62:12

Goaron ma halahi: ‘Bangso Ni Debata’, ‘Bangso Na Nipalua ni Tuhan’. Goaron ma Jerusalem ‘Kota na nihalungunan’, ‘Kota na so nitadingkon ni Tuhan’.

PANGARATAION 26:19

Baenon ni Tuhan dope hamu gumodang sian sasude bangso na asing na dung dijadihon Ia, jana pujion boti pasangaponna hamu. Gabe bangso ni Tuhan ma hamu, laing songon na nijanjihonNa i.”

HAMALIMON 19:2

pabolkaskon tu bangso Israel, parenta na songon on, “Angkon badia do hamu, harana Au, Tuhan Debatamunu na badia do.

SURAT NI SI PAULUS TU PARLAGUTAN ROM 12:1

Hara ni i ale angka dongan, hupaingot ma hamu markite-hite ibo ni roha ni Debata, anso dipasahat hamu dirimunu gabe haul na mangolu, na badia jana na tumbuk di roha ni Debata, i ma na gabe hangoluanmunu na sapatutna.

HALUMBAAN 20:6

Martua jana na badia do, na taruli di hangongot na parjolo i. Nada markuaso be hamatean na paduahon i tu halahi. Gabe angka malim ni Debata ma halahi dohot malim ni Kristus; jana mamarenta ma halahi rap dohot Ia saribu taon honokna.

1 KORINTUS 3:17

Muda adong halak na manyegohon Bagas Ni Debata, segohonon ni Debata muse ma halakna i. Harana anggo Bagas Ni Debata na badia do, jana hamu ma bagas i.

JESAYA 61:6

Gonan ma hamu gabe naposo ni Debatanta jana digoaran angka malim ni Tuhan. Hamu noma nampuna arta ni angka bangso, jana pakeonmunu ma i manggodang diri.

HAMALIMON 20:26

Madung Hupaasing hamu sian angka bangso na asing, anso gabe hum Au sajo nampuna hamu. Angkon badia do hamu angke Au do Tuhan, jana na badia do Au.

PANGARATAION 14:21

Bangke ni binatang nada tola panganonmunu. Tapi anggo halak na asing na maringanan di tonga-tongamunu tola do i panganonna jana tola muse do i gadisonmunu tu halak na asing. Bangso ni Tuhan do hamu antong, na marhapunjungan di Debata. Nada tola lompaon anak ni biri-biri dohot hambeng di bagasan susu ni indukna.”

HAMALIMON 21:23

Hara ni na adong tihas ni pamatangna gabe nada tola donok ia tu tire na badia, sanga mandonohi langgatan i. Nada tola ramun baenonna angka barang na dung gabe hapunjunganKi, angke Au do Tuhan jana Au do paasingkon barang-barang i.”

HAMALIMON 20:24

Madung Hujanjihon bahaso tano na mora jana na napu i gabe hamu ma nampuna i, jadi lehenonKu ma i di hamu. Au do Tuhan Debatamu jana madung Hupaasing hamu sian angka bangso na asing i.

1 TESSALONIKA 5:27

Mangasahon goar ni Tuhan Jesus, gomos nipangido tu hamu, anso laing sisehon hamu surat on tu sudena angka dongan sahaporsayaan.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

HARURUAR 22:31

Angkon badia do hamu di jolongKu, jadi ulang pangan hamu juhut ni binatang bagi aha pe na nisoro ni binatang panyoro, tapi tu anjing ma lehen hamu juhutna i.”

1 RAJA-RAJA 3:8

Maringanan di tonga-tonga ni bangso na dung dipili Ho gabe bangsoMu do au. Sada bangso na godang situtu na so taretong bahatna.

1 RAJA-RAJA 8:53

Sian sude bangso madung dipili Ho halahi gabe bangsoMu sandiri, songon na dung didokMi marhite naposoMu si Musa, di hatiha ditogu Ho ompungnami haruar sian Mesir.”

1 JUJUR TAON 17:22

Dibaen Ho do bangso Israel gabe bangsoMu sandiri salolot-lolotna. Jana Ho do Tuhan na gabe Debata ni halahi.

JESAYA 43:4

Arga do ho Huida, Huhaholongi do ho jana Hubaen marmulia; gabe Hubaen angka jolma baen gontimu, jana angka bangso gonti ni hosamu.

JESAYA 66:21

Deba sian halahi baenonKu ma gabe malim dohot halak Levi.

JEREMIA 2:3

Hatiha i badia do Israel di Tuhan, songon parbatu patumonaan sian suha ni tanoNa. Sude halak na mangankon i gabe marsala, hona parmaraan ma halahi, songon i ma hata ni Tuhan.”

JEREMIA 7:23

Anggo na Huparentahon tu halahi, hum pangoloion tu Au do anso Au gabe Debata ni halahi, jana halahi gabe bangsongKu. Husuru halahi anso mangolu mangihutkon angka na Huparentahon anso martua halahi.

JEREMIA 13:11

Songon bobat abit na dialitkon gomos di gonting ni na mamakesa, songon i ma Hubaen pangalitkon ni halak Israel dohot Juda tu Au. Songon i ma dalanna halahi gabe bangsongKu na mambaen tarpuji jana marsangap goarKu. Hape nada ra halahi mangoloi Au.”

AMOS 3:2

“Sian sandok bangso na di tano on, hum sasada hamu sajo do bangso na Hutanda dohot na Huantoi. I ma mambaen godang dosamunu, jana angkon uhumanKu hamu.”

HARURUAR 28:36

Baen ma sada parhiasan sian sere na polin na nigorga dohot pandohan, ‘Nabadia di Tuhan’.

BILANGAN 16:3

Rap kehe ma halahi mandapotkon si Musa dohot si Harun lalu didok halahi, “Musa, tangihon jolo: Ganop jolma di bangso Israel na dung hapunjungan ni Tuhan do i. Jana di tonga-tonga ni hita sude do Tuhan i. Hape biasi dietong ho gumincat ho sian sude halak ni Tuhan i? Sude na binaenmu madung manyalpui aturan.”

MASMUR 114:2

dijadihon Tuhan ma Juda gabe habadiaanNa, Israel dibaen Ia gabe luat hakuasoonNia.

HAGAI 2:5

Di na haruar hamu sian Mesir, na dung Hujanjihon do sai ondihononKu hamu. Jana saonnari pe Huondihon do hamu. Jadi ulang pola mabiar hamu.