HARURUAR 19:3 - BIBEL JAMITA NA DENGGAN

³ tapi anggo si Musa kehe ma ia manangkok tu dolok i laho marsuo dohot Debata. Pio-pio ma Tuhan sian dolok i tu si Musa jana disuru paboa ia ma tu halak Israel, pomparan ni si Jakob i:

HARURUAR 19:3 Referans Kwoze

HARURUAR 3:4

Dung diida Tuhan si Musa donok tu inganan i, pio-pio ma Tuhan sian tonga-tonga ni ramba i, “Musa! Musa!” “Olo dison do au,” ning si Musa mangalusi.

BAENON NI ANGKA RASUL 7:38

Laing si Musa do na gabe panonga-nongai sian bangso Israel di parkorsihan i, maradopkon surusuruan na mangkatai tusia di Dolok Sinai bope tu ompunta i. Ia do na manjagit hata hangoluan sian Debata sipabolkason tu hita.

HARURUAR 20:21

Tapi anggo angka jolma i laing mandao-dao do jongjong, jana hum sasada si Musa sajo do na mandonohi ombun na golap i di inganan parmianan ni Debata.

HARURUAR 34:2

Markobas ma ho marayak manyogot jana manangkok ma ho manyogot i tu Dolok Sinai; jongjong ma ho disi adop Au di ambubu ni dolok i.

HARURUAR 3:12

Dialusi Debata ma, “Hudongani pe ho, jana dung dioban ho bangso i haruar sian Mesir, angkon oloanmunu ma Au di dolok on. I ma buktina, paboa Au do marsuru ho.”

HAMALIMON 1:1

Dipio Tuhan ma si Musa masuk tu Bandar Parmianan Ni Tuhan jana dilehen ma angka aturan tusia,

HARURUAR 19:20

Mijur ma Tuhan di ambubu ni Dolok Sinai i jana dipiohon Ia ma si Musa anso ro tu puncut ni dolok i. Manangkok ma antong si Musa

HARURUAR 24:12

Dung i ninna Tuhan i ma tu si Musa, “Dapotkon ma Au tu dolok on dompak dison ho, anso Hulehen tu ho dua batu parningotan na marisi sude uhum na Husurat songon pangajaran di bangso i.”

HARURUAR 24:13

Jadi markobas ma si Musa dohot si Josua pangurupinia i laho manangkok tu dolok na badia i.

HARURUAR 34:4

Jadi dituhil si Musa ma dua lambar batu sarupa dohot batu na parjolo i; ngot ma ia sogot manyogot i jana manangkok ma ia tu ginjang ni Dolok Sinai songon na niparentahon ni Tuhan i tusia jana dioban ia ma di tangannia batu na dua i.